Исаиа 31
31
Египеттэй сүлбэлдээд нэмэргүй
1Хөөрхий еэ, Израилийн Ариун Нэгэн өөд эс харан,
ЭЗЭНийг үл хайж,
Египет уруу тусламж гуйн одож,
Морьдод түшиглэдэг,
тэрэгнийх нь олон, морьтонгуудынх нь хүчтэйд найдагчид аа.
2Гэвч Тэр бас мэргэн бөгөөд
Аюул гамшгийг авчирна.
Тэр үгээ буцааж эс авна.
Харин Тэр, ёрын мууг үйлдэгчийн гэрийн эсрэг,
Ёс бусыг үйлдэгчдэд туслагсдын
эсрэг босох болно.
3Египетчүүд нь Бурхан биш, хүмүүс билээ.
Морьд нь сүнс биш, махбод билээ.
Тиймээс ЭЗЭН мутраа сунгахад,
Тусалдаг нь бүдэрч,
Туслуулагчид нь унаж,
Бүгдээрээ хамт үхнэ.
4Учир нь ЭЗЭН надад
“Олон хоньчид нийлэн хашхирч, гуугалавч
Дуу чимээг нь үл хайхран, айлгүйгээр
Олзон дээрээ архирагч арслан, залуу арслан шиг
Түг түмдийн ЭЗЭН дайн хийхээр
Сион уул болон толгодынх нь дээр бууж ирнэ.
5Элин халих шувууд мэт түг түмдийн ЭЗЭН
Иерусалимыг хамгаална.
Тэр хамгаална, чөлөөлнө.
Тэр алгасна, аварна” гэж айлдав.
6Израилийн хөвгүүд ээ,
Урван тэрсэлсэн та нар
Түүн уруугаа буцагтун!
7Учир нь тэр өдөр
Өөрийнхөө гараар өөрсдөдөө зориулан
Гэм нүгэл болгон үйлдсэн
Мөнгөн шүтээнүүд, алтан шүтээнүүдээ
Хүн бүр хаяна.
8“Хүмүүний бус сэлмээр ассиричууд унаж,
Хүмүүний бус илд тэднийг залгина.
Тэд илднээс зугтах бөгөөд
Залуус нь албадлагын ажиллагсад болно.
9Түгшүүрээс болж хад нь алга болж,
Туг хараад ноёд нь айдаст автана” гэж ЭЗЭН тунхаглав.
Гал нь Сионд, зуух нь Иерусалимд бий.
Одоогоор Сонгогдсон:
Исаиа 31: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.