Lukɨ 8-ын алдартай Библийн эшлэлүүд

Хуваалцах

Kɨrɨ' witɨzɨla kwaaka nawɨ'nya mɨnarɨnakevakɨ bwala'daawade daza, yɨ sa a'mwera kumɨre sɨmunya nawɨ'nyaangevɨ Gotɨyare yagaalya' kadɨka wɨ'nadɨvɨ' yuna dɨragɨnna lɨmwaga'na. Sara yadɨvɨ' taanginya wiadaa'nyɨ dɨragɨnna kuna yadɨvɨ' tɨka munne naanga yɨma'nadaa'nyɨ mwaalɨna.

Nabaai witɨzɨla pɨnɨ wɨla lannakebaraavɨ bwala'daawade yɨ sa a'mwera yagaalya kadɨka wɨ'nadɨvɨ' kaanya yamaryadaapɨjɨ taanginya dala nabinya pɨburajɨ nɨgwia gɨlyɨvɨta sajɨ Kwaaka davakɨya yɨlaaya dala nabinya saburajɨ wɨdathɨvaidere. Yuya sa Gotɨyarɨ mwagi'nadengɨ. Sarevɨdaa'nyɨ kumɨre tɨka wapaaya sa yɨ'nabaladengɨra. Bwɨyangɨra.

Nabaai witɨzɨla pɨnɨ sɨlaangevɨ kwaakejɨkɨ bwalaraawɨna, yɨ sa a'mwera yagaalyavɨ kadɨka wɨ'nadɨvɨ' wɨ'namaa'na yadɨvɨ' savɨne'na yɨlaaya naanga yɨna. Sahwara pwipula maayara maalɨkegaa'na lɨmwadɨvɨ' kɨrɨ' yɨjɨwaala pɨgasa lɨka sangina yɨgɨ'daa'dɨvɨsare.

Sara kya' sagaa' sai wɨdɨna “Sarɨmɨre dɨragɨnna lɨmwangebwi gawɨ warɨka!” Sagaa' sahwara lɨka yɨna yadɨvɨ' atɨka maru'na'na yadɨvɨ' dɨnyɨna “Sarevɨdaa'nyɨ be a'mwelaka! Sai yɨhusasɨ aalyasɨ maanga kudɨwa' kadɨka wɨ'nyɨna yɨwaai!”

Nabaai witɨzɨla pɨnɨ tusavɨ bwala'daawade, yɨ sa a'mwera yagaalya kadɨka wɨ'nadɨvɨsa'nesɨ. Kɨrɨ' dɨvidaa'nyɨ Kotɨya Maryadei badehaa' kumɨre sɨmunyavɨ yagaala daza' marasɨ'delyɨ. Sai ‘Gotɨyarɨ nalɨmwabɨka! Sara kyapɨjɨ Gotɨyai nuvadaihasamaaradɨka!’ daka marasɨ'nadelyɨ.

Sare' dare'nesɨ. Yuya lɨka yulyakɨnɨke dɨvi nabaai sa ku'maayaba yuna yalɨku'naraabathengɨ. Yuya bwakakɨnɨke dɨvi nabaai sa ku'maayaba jalɨku'naraabathengɨ. Sare sangɨ nabaai a'mwera yuna yawɨrangabɨ'dengɨ.

Wɨdɨna kya' a'mwe daza' yawɨ'na yaka “Gamɨnyɨna lɨka myulyaki yɨde'nyɨ daaka!” yawɨraka. Sarevɨdaa'nyɨ sa' lɨka naanga yɨna yada gamɨnyɨ aya kɨba kwaakevakɨ kwadaai bulagina. Sara yaka a'mwe yuyaraayaba gannya nalaaya'na asa' dathɨwagake' wɨjɨwaakɨna yaka nabaai wɨdɨna “Sara yena sagaa' nɨmɨre nalaaya' yarai yɨwɨwake'nera.” Dɨna kya' sahɨrɨvɨ wɨdɨna “Nyɨraavɨ, gɨmɨre dɨragɨnna nyɨlɨmwamwaanyabwi gɨmɨnyɨ ayɨna tewaanya gyavada'gaimwake'gɨnyɨ. Gɨmɨre munyɨ' kave kwaamu' wa'dozɨ kaanya dɨwona!”

bulaawɨna yeva gamɨnyɨna bulyɨdɨkavaawɨna yevegaa' wɨdɨna “A'mwe naangeigɨ! A'mwe naangeigɨ! Yuna dahaasagaa' nemɨ yaraina yɨwawaade'na yɨwoneva.” Wɨdɨna kye' daavɨna yaka yɨhuta sasɨ aalɨmavajɨnaaka naanga sasɨ maanga wɨdɨna. Sara wɨdɨna kya' yɨhuta yɨnahu muda'na kya' aalya' ayɨna aalɨmavajɨnaaka mima'nyɨna.