Johannese 10-ын алдартай Библийн эшлэлүүд

Хуваалцах

Tigliktok ᴋailerpangilak, kisiane tiglingnigomavlune, toᴋotsijomavlunelo, aseroijomavlunelo.

Uvanga tikipunga, inôtsemik piksaniglo nâmaktunik peᴋarᴋovlugit.

Saugaᴋotima nipiga tusarpât ilitarivakkalo; malikpângalo.

Inôtsemiglo nungusuitomik tunitsivigivakka, aserorniatsangilallo, arᴋtaijoᴋarniangilarlônêt tâpkoninga aggamnit.

Itertarviovunga: uvapkut itertoᴋarpat, tâmna piulijauniarpok, iterlunelo anilunelo nerᴋiksarsiniarpok.

Uvanga mianersijôvunga ajungitok, pikkalo ilitarivakka, ilitarijauvlungalo pimnut

Atâta, tunijijok tâpkoninga uvamnut, anginerovok tamainit; arᴋtaijoᴋarungnangilarlo tâpkoninga Atâtama agganginit. Uvangalo Atâtalo atausiovoguk.

Sôrlo Atâtab ilitaringmanga, uvangalo âtâta ilitarigapko. Inôseralo tunivara saugat pivlugit.

Arᴋtaijoᴋangilak tamattominga uvamnit, isumamnigle iperarpara. Pitsartuneᴋarpunga iperarlugo, pitsartuneᴋarivungalo ama tigulugo. Perᴋojamik taimaitomik tunitjiviovunga Atâtamnut.

Tagva Jêsusib ama oᴋautivait: Âhamarik, âhamarik oᴋaupapse: Uvanga saugat itertarvigivânga.

Uvanga mianersijôvunga ajungitok. Mianersijok ajungitok inôtsiminik tunivok saugat pivlugit. Attartugable, mianersijiungitub, nangmineᴋangitub sauganik, amarok ᴋailertok takogamiuk saugat ᴋemakpait ᴋemâvlunelo; amarᴋublo saugat angulugit siamartipait.

Âhamarik, âhamarik oᴋaupapse: Itertarvikut itingitok saugat iglunganut, asiagulle itertok, tâmna tigliktôvlunelo inuartôvok.