Juán 12-ын алдартай Библийн эшлэлүүд

Хуваалцах

Mi̱ni̱tyi jvaaryu̱chara risa̱, sa̱ma̱ siityari̱ varirye. Jasityi ra̱cha variy, jasidye sa̱cha varintyidye ni̱tiy jvaachara risa̱. Mi̱nintyi jvaachara risa̱, sa̱jchana̱tyasara rajye̱ varintyiñi̱.”

Ni̱tiy ni̱ru̱chara jaryirya yinu̱yada, ni̱ni̱ ji̱ta ra̱carera. Ni̱ni̱ ji̱ta jiryatiy sa̱vittyucharara yinu̱yada jijyomu, sa̱jnu̱tyasara ju̱na̱reju̱ jnu̱yadaju̱ra.

Si̱tenute ri̱tay jiryiva: Netimyu̱ ne rádiiy jaruusichiy raju̱u̱ñumatiy mucomu, rama̱cho̱sara vinu tasiqui variy. Rádiiñumatiy, ra̱sivye jaryi variy.

Ray jiryatiy rañi̱cha no̱no̱, ri̱deda ji̱ta jirya mucadimu, sañuma ma̱cho̱ nupocudinube mi̱ni̱tyi tuva̱chusara rimu.

Mi̱nintyi tuva̱chusarara rañiquejada, dañumamu̱y ne sani siityesara variy raju̱, ne ra̱tu̱chuta rivani̱, tapi ne riti̱jada tu̱chuta̱daju̱ mucomu; riti̱jada ji̱ta jantyutya̱daju̱ day.

Maríyabay ji̱ta jti̱ta̱dara vu̱rudija̱vu̱ vinu nárdumusiy jvaachara, jaryi murichetara. Siva̱da ji̱ta ti̱ta̱ju̱ Jesús numutuvara. Sasusa̱jada yino̱jasitya varintyirya. Rapotiye̱yada ju̱rura raatya̱, ramu̱chadeda varirya roriy.

Rata̱rimyusiy ji̱ta, nijya̱nvajyuubay jiryatiy ruuti̱jada vichtyamu, rityuva̱chodanumatiy jiryatiy su̱niñuma Jesús daryaju̱ Jerusarí̱muju̱, rirye̱cha̱da ji̱ta varirya pa̱chi̱vi̱ yimuju̱, riya̱da ji̱ta variy si̱dcho̱ju̱. Ru̱teda ji̱ta variy jiche̱ñe̱ya̱jadamu: “¡Ya̱jantyuy nu̱dyiva! ¡Jchana̱tyasi̱te si̱tenu ni̱ ni̱tiy jniy Vu̱jye̱ jtyamu, jiryatiy Irayénuveda ja̱mu nutyityu̱ni̱!”

Su̱mutya̱jada Jesús variñada: “Rito̱ma̱ Nijya̱mi̱denu vandanusa̱da runda.