Mateus 5-ын алдартай Библийн эшлэлүүд

Хуваалцах

Yu no e leti wan kokolampu, dan yu e poti en ondro wan embre. Ma yu e poti en tapu wan tafra fu a gi faya na ala sma ini a oso. Na so a faya fu yu mus de fu si gi trawan, fu den kan si den bun wroko fu yu. Dan den o gi yu P'pa na heimel bigi nen.”

Yu de leki wan faya gi den sma na grontapu. Wan foto di de na tapu wan bergi no kan tan kibri.

Blesi de tapu den sma di e dini Gado wawan, bika den sa si En.

Blesi de tapu den sma di abi wan tranga angri fu de bun ini Gado ai, bika A sa gi den san den wani.

Ma Mi e taigi un taki: Lobi yu feyanti, èn begi gi den sma di de na yu baka fu du yu ogri.

“Blesi de tapu den sma di kon si tak' den abi Gado fanowdu, bika A e tiri den leki Kownu.

Blesi de tapu den sma di e tyari freide kon na trawan mindri, bika Gado sa kari den En pikin.

Blesi de tapu den sma di e sari, bika Gado sa trowstu den.

Blesi de tapu den sma di trawan de na den baka fu du den ogri fu di den bun ini Gado ai, bika A e tiri den leki Kownu.

Blesi de tapu den sma di abi sari-ati nanga trawan, bika Gado sa abi sari-ati nanga den.

Blesi de na yu tapu te sma e broko yu saka, te den de na yu baka fu du yu ogri, èn te den e lei taki ala sortu takru fu yu, fu di yu e waka na Mi baka. Yu mus prisiri, yu mus breiti, bika wan bigi pai e wakti yu na heimel. Bika na so den ben du nanga den fosten profeiti tu.”

Blesi de tapu den sma di abi sakafasi, bika heri grontapu sa de fu den.

“Yu de leki sowtu gi den sma na grontapu. Ma efu sowtu lasi en tesi, fa a o kon sowtu baka? Yu no man du noti moro nanga en, dan fu trowe en gwe meki sma waka na en tapu.

Ma yu mus bun dorodoro, soleki fa yu P'pa na heimel bun dorodoro.”

So dan, meki te yu e taki ‘iya,’ a tan ‘iya,’ èn meki te yu e taki ‘no,’ a tan ‘no.’ Bika ala san yu e taki moro leki dati, kmoto fu didibri.”

“Un yere tak' a skrifi taki: ‘Efu wan sma naki wan trawan broko en ai, den mus broko a ai fu a sma dati baka. Èn efu wan sma naki wan trawan broko en tifi, den mus broko a tifi fu a sma dati baka.’ Ma Mi e taigi un taki: No meki trobi nanga a sma di e du yu ogri. Efu wan sma naki yu na a let'sei fu yu fesi, drai a tra sei gi en tu.

Dat' meki efu yu let' ai meki yu sondu, diki en puru dan yu trowe en gwe. Bika a moro bun gi yu tak' wan pisi nomo fu yu skin e lasi, dan tak' yu feni yusrefi nanga yu heri skin ini hel. Efu na yu let'anu meki yu sondu, kapu en puru dan yu trowe en gwe. Bika a moro bun gi yu tak' wan pisi nomo fu yu skin e lasi, dan tak' yu feni yusrefi nanga yu heri skin ini hel.”