Mateo 24-ын алдартай Библийн эшлэлүүд

Хуваалцах

Dahil sa nagainabo nga nagabaliwala sa Kasuguan it Dyos, magatahaw ro paghigugma ku abo nga mga tawo. Pero ro nagapadayon nga nagatuo kakon hasta sa kamatayon hay maeuwas.

Ag ro Mayad nga Balita ngara parti sa paghari it Dyos hay igawali sa bilog nga kalibutan agod ipasayod sa tanan nga mga rasa it tawo kon paalin sanda matapoe sa anang mga sinakpan. Pagkatapos hay maabot eon dayon ro katapusan it kalibutan.”

Makabati man kamo it linupok it gira nga maeapit kinyo ag ku mga balita nga may gira sa ibang mga lugar, pero ayaw gid kamo it pakueba. Dapat gid-a nga matabo ron pero bukon pa it duyon ro katapusan it kalibutan.

Magagira ro mga nasyon ag imaw man ro mga ginharian. Magalinog sa iba-ibang mga lugar ag may grabi man nga tiggueutom. Pero bukon pa it ruyon ro katapusan it kalibutan. Kon ikompara ra tanan sa pag-unga hay umpisa pa eang ra it pagpasaeapo.

Maduea eang ro eangit ag kalibutan pero ro akon tanan nga ginpangturo hay owa gid it pagkaduea.”

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

“Sa ulihi, pagakaugtan kamo ku tanan nga mga tawo bangod mga sumueunod nakon kamo. Pagadakpon kamo ag itugyan sa mga magapasakit ag magapatay kinyo. Sa oras ngato, abo ro magatalikod sa andang pagtuo kakon dahil sa mga paghingabot. Pagatraiduron man nanda ro andang isigkapareho nga mga tumueuo ag ro iba hay andang pagakaugtan. Abo man ro magaabot nga mga magapakuno-kuno nga mga propeta it Dyos ag abo ro andang hipataeang.

Nagsabat si Jesus, “Mag-andam gid kamo agod indi kamo hipataeang

Ngani dapat man kamo nga mangin haom permi bangod ako nga Unga it Tawo hay maabot sa oras nga owa ninyo ginapaabuta.”

Ngani dapat gid nga haom kamo permi bangod owa kamo kasayod kon hin-uno mabalik ro inyong Ginuo.

Naghambae pa gid si Jesus, “Owa it nakasayod kon anong adlawa o anong orasa ako mabalik iya sa kalibutan. Bisan ro mga anghel sa eangit o ako nga Unga hay owa karon kasayod. Ro Dyos Ama gid lang.

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga grabi nga milagro ag mga makangawa-ngawa nga mga bagay, bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Ro ginaobra ku mga tawo sa tyempo nga magbalik ako nga Unga it Tawo hay pareho man sa ginaobra ku mga tawo sa tyempo anay ni Noe. Bangod kato, bago nagbaha hay owa sanda mag-inato ku maabot nga kaeaeat-an kundi sa adlaw-adlaw hay normal ma't-a gihapon ro andang pagpangabuhi nga nagakaon, nagainom, ag nagaaeasawa hasta sa oras nga nagsueod sanday Noe sa arka. Ag owa gihapon sanda nakaeubot ku magakaeanabo hasta nagbaha eon ro kalibutan ag nagkaeaeumos sanda tanan. Ro pagbalik nakon nga Unga it Tawo hay pareho man sa pag-abot ku baha ngato.