Lucas 3-ын алдартай Библийн эшлэлүүд

Хуваалцах

Pakayi ti Herodes je 'yutjli kiu' a'laja'm pa Juan, jak je iyoyiji jlam iniejienjlijyi'n papo i'nio', sekyi'i ti iniejiena'aja pa Jesús. Ti Jesús iyoye t'ajlayeja', siupa poli inilanaja'm, siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

'Yina siunie ala' wakal, ti tejeye niwa jijwetisi'l, ti ja tijwajakits'i. Ja ke 'esiepe kawo jlaye jana a'la', janak ja tijwanaja'a niwa jijwetisi'l ti ja tijwajaki, sekjane'yi ka titietajayijamna'a ni jwat.

Siu'nie tijnak'i pa iyot'iyipi pa injwejlanik jiwo Isaías ti iyo'ate ti 'yite'e: “Jla'lap ni i'nio' to'm ape'e na ajnat laj i'nioye'e ti iyo'ate, Wakajlanitie pa ji'niayija na Saka'niona, lajlats'i jla'yi ti jajnajietajyi. Ajnat ja totiejamk'i siuniwa wase'l, siuniwa tikijnaki tosk'i pijia'm ja tijliasatak'i isia'm 'nakayeyijna'a ka ijnojliena'a wita'm. Siuniwa jikatoki'l niwa 'najia ja tijniejietajats'i kia'iyojliyi siuniwa 'najia siuniwa je ijniul wita'm ja tijniujlieta 'neje wita'm. Ja wikie'eyeyi napo i'nio' yi' ape'e 'na ajnat, ti jan'we'en naka Injwajieti ti Sinia' janjlo'.”