НОМЛОГЧИЙН ҮГС 3-ын алдартай Библийн эшлэлүүд

Хуваалцах

Тэнгэрийн доорх бүх юмс цаг хугацаатай бөгөөд бүх юм тогтоогдсон цаг мөчтэй ажээ.

Төрөх хийгээд үхэх цаг, Тариалах хийгээд тарьснаа хураах цаг, Алах хийгээд анагаах цаг, Нураах хийгээд босгох цаг

Уйлах хийгээд инээх цаг, Гашуудах хийгээд бүжиглэх цаг, Чулууг шидэх хийгээд цуглуулах цаг, Тэврэх хийгээд тэврэлтээс зугтах цаг

Урах хийгээд оёх цаг, Дуугүй байх хийгээд ярих цаг, Хайрлах хийгээд үзэн ядах цаг, Дайтах хийгээд найрамдах цаг байдаг ажээ.

Эрж олох хийгээд алдаж асгах цаг, Хадгалах хийгээд хаях цаг

Бурханы хийсэн болгон үүрд мөнхөд үлддэгийг би мэдлээ. Түүнд нь нэмэх буюу түүнээс нь хасах юу ч байхгүй аж. Бурхан ийн ажилладгийн учир нь хүмүүс Түүнээс эмээхийн тулд юм.

“Шударга хүн ба гэм нүгэлтний аль алиныг нь Бурхан шүүнэ” гэж би өөртөө хэлэв. Учир нь цаг хугацаа, бүх юмс, бүх үйлс тэнд байдаг.