Luka 23-ын алдартай Библийн эшлэлүүд

Хуваалцах

Ba na page Yezu dagara kam yuu ne konto to, o ma lwoori Wɛ o we, “Amo Kwo, yage n ma n chɛ-ba, se ba yeiri woŋo kolo ba na ke to.” Ba ma kwei o gwaaro tem se ba pɔɔre ba pa daane. Ba ma ta jɔrɔ se ba nii wɔ mo wó twori kolo o na lage to.

Yezu ma leiri‑o o we, “A tɛ nmo chega ŋwaane to, zem dɛ dem ne nmo wó taa wo amo tei ne Wɛ ywoni jei sem ne.”

O ma daare o ta de Yezu o we, “Nmo ná tu n ba n di paare dem, se n guli amo gula.”

Yezu laam ma laare de kwor-dɛa o we, “Amo Kwo, a kwei a jworo a ke nmo jeŋa ne.” O na tage konto to, o ma daare o te.

Ba ma vo ba yi jeiga kalo yere na ye ‘Yu-kwoli-champoa Peo’ to. Ba laam ma ja Yezu ba pa dagara kam yuu ne. Ba ma ja ŋweena bam de ba pa dagare sedwonna baŋa ne. Ba ma chwi dedoa Yezu jazem ne. Wowom maa wo o jagwia ne.

Ko ma vo ko yi maŋa kam wɛ na tu de wo yupare baŋa ne to. Tega kam maama ma ba ka ji lim se ko vo ko yi wɛ-guni maŋa ne. Wea kam daa ba jege pwooni. Gare-jale delo na leigi de che Wɛ di-yun-gala kam to ma kaare belei.

Soja tiina bam yiga tu na nɛ kolo na ke to, o ma tei Wɛ ye o we, “Nɔɔno wonto seene o ye nɔn-ŋom mo chekke.”