ମାଥିଉ 7-ын алдартай Библийн эшлэлүүд

Хуваалцах

ମିଙ୍ଗେଙ୍ଗ୍ ଇମ୍‌ଣାକା ଦର୍‌କାର୍ ମାପୃତିଙ୍ଗ୍ ଏନାଟ୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିଦ୍‌ନାନ୍। ଡେକାଟ୍ ମିଙ୍ଗେଙ୍ଗ୍ ଈଶ୍ୱର ଡେକ୍‌ଚି ହିଦ୍‌ନାନ୍। କାପାଟ୍‌ତାକେ ଇହାଟ୍‌ ଲାଗିଙ୍ଗ୍ ମି କାଜିଙ୍ଗ୍ ଈଶ୍ୱର ଦୁୱେର୍ ଜେସି ହିଦ୍‌ନାନ୍‌।

ମାତର୍ ଇମ୍‌ଣାକାର୍ ଏନ୍‌ନାର୍, ହେୱାର୍ ୱିଜୁ ପାୟାଆନାର୍‌। ଇମ୍‌ଣାକାର୍ କାପାଟ୍ ଇସ୍ତି ମାନାର୍, ହେୱାର୍ କାଜିଙ୍ଗ୍ ଦୁୱେର୍ ଜେୟା ଆନାତ୍।

ଇମ୍‌ଣାକାନ୍ ନା ଲାଗାୟ୍ ୱାଜି ନା କାତା ୱେନାନ୍ ଆରେ ହେ କାତାତିଙ୍ଗ୍ ମାନି କିନାନ୍, ହେୱାନ୍ ରକାନ୍ କାଲ୍‌ଜପି କୁନାଦି କିଜି ଇଲ୍ ଗାଚ୍‌ନି ବୁଦିକାଟି ମାନାୟ୍ ଲେକେ।

“ମାନାୟାର୍ ମି କାଜିଙ୍ଗ୍ ଇନାକାପା କିଦେର୍ ଇଞ୍ଜି ଇଚା କିନାଦେର୍, ଏପେଙ୍ଗ୍ ପା ହେୱାର୍ କାଜିଙ୍ଗ୍ ଇୱିଜୁ କିୟାଟ୍, ଇନେସ୍‌କି ଇଦାଙ୍ଗ୍ ନେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ନି ମୁଡ଼୍‌ଦି ବିଷୟ।

ଆରେ ୱିଜ୍‌ୱି ଜିବୁନ୍ ଅନି ହାଜି ହିରୁ ଆରେ କଷ୍ଟ, ଆରେ ହେଦିଲିଙ୍ଗ୍ ଦାହ୍‌ନି ମାନାୟ୍ ଅଲପ୍।

ଏପେଙ୍ଗ୍ ସରଗ୍ ରାଜିତାକେ ହାଞ୍ଜେଙ୍ଗ୍ ଚିପା ଦୁୱେର୍ ନିପଣ୍ ଆଜି ହାଞ୍ଜେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଅହାର୍ ହାଜି ଆରେ ସିଦା ହାଜି ନରକ୍ ନିପଣ୍ ହାନାତ୍। ବେସିହେନି ମାନାୟ୍ ହେ ହାଜ୍‌ଦିଙ୍ଗ୍ ହାନାର୍।

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ମି ହିମ୍‌ଣାକାଙ୍ଗ୍ ଇନେସ୍ ଲେଗ୍‌ଦି ହାର୍ଦି ଜିନିଷ୍ ହିଦେଙ୍ଗ୍ ପୁନାଦେର୍। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ପୁନାନ୍ ଯେ ହେୱାନିଙ୍ଗ୍ ଏନ୍‌ନି ମାନାୟାରିଙ୍ଗ୍ ହେୱାନ୍ ହାର୍ଦି ଜିନିଷ୍ ହିନାନ୍।”

“ଜେକନିକାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍। ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପା ବିଚାର୍ କିଦୁନ୍। ଲାଗିଙ୍ଗ୍ ଇନେସ୍ କିଜି ମାନାୟ୍‌ତିଙ୍ଗ୍ ବିଚାର୍ କିନାଦେର୍, ହେଲେକେ ମିଙ୍ଗେଙ୍ଗ୍ ଈଶ୍ୱର ବିଚାର୍ କିଦ୍‌ନାନ୍। ଇମ୍‌ଣି ମାଣ୍ ତାଙ୍ଗ୍ ଲାଜ୍‍ଜି ହିନାଦେର୍, ହେ ମାଣ୍ ତାଙ୍ଗ୍ ମିଙ୍ଗେଙ୍ଗ୍ ଲାଜ୍‍ଜି ହିଦ୍‌ନାର୍।

ମାତର୍ ଇମ୍‌ଣାକାନ୍ ନା କାତାତିଙ୍ଗ୍ ୱେନ୍‌ଞ୍ଜି ହେ କାତାତିଙ୍ଗ୍ ମାନିକିଉନ୍, ହେୱାନ୍ କୁନାଦି କିୱାଦାଙ୍ଗ୍ ବାଲିଜପି ଇଲ୍ ଗାଚ୍‌ଚି ମାନାୟ୍ ର ବକୁୱା ମାନାୟ୍ ଲେକେ ଆନାନ୍।

ଏପେଙ୍ଗ୍ ଜାର୍ ଟଣ୍ଡେନ୍ ହିରୁ ବୁଲ୍‌ତିଙ୍ଗ୍ ଇନେକିଦେଙ୍ଗ୍ ହୁଡ଼୍‌ନାଦେରା? ଇନାକା ଏପେଙ୍ଗ୍ ଜାର୍ କିତି ଗାଜା ବୁଲ୍‌ତିଙ୍ଗ୍ ହୁଡ଼ୁଦେରା? ମିବେ ଗାଜା ଦସ୍ ମାନିହିଙ୍ଗ୍ ଇନେସ୍‌କିଜି ଜେକନି ଇଚ୍‌ରୁ ଦସ୍ ବିଷୟରେ ବିଚାର୍ କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଟଣ୍ଡେନ୍ ଆନେଙ୍ଗ୍ ନି ଦେସ୍‌ତିଙ୍ଗ୍ ରକ୍ଷା କିଜିହିଦ୍ନାଙ୍ଗ୍।

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍। ୱିଜାକାର୍ ତା କାମାୟ୍ ହୁଡ଼୍‌ଜି ହେୱାରିଙ୍ଗ୍ ଚିନ୍ କିନାର୍। ମାନାୟାର୍ ୱାଡ଼ି ମାର୍‌ତାଙ୍ଗ୍ ଅଙ୍ଗୁର୍ ପାଡ଼୍‌ କି ଗ୍ରଟା ମାର୍‌ତାଙ୍ଗ୍ ତଗାପାଡ଼୍‌ ଏଚ୍‌ନାର୍ କି?

ହେଲେକେନେ ହାର୍ଦି ମାନାୟ୍ ହାର୍ଦି କାମାୟ୍ କିନାନ୍ ଆରେ ବାନ୍ୟା ମାନାୟ୍ ବାନ୍ୟା କାମାୟ୍ କିନାନ୍। ହେଲେକେ ମାନାୟ୍ ପା ହାର୍ଦି ମାର୍ ଲେକେ ଆନାକା ମାନାତ୍।

ହାର୍ଦି ମାନାୟ୍ ବାନ୍ୟା କାମାୟ୍ କିଉନ୍ କି ବାନ୍ଯା ମାନାୟ୍ ହାର୍ଦି କାମାୟ୍ କିଉନ୍। ହେଲେକେନେ ବାନ୍ଯା ମାର୍ ବାନ୍ୟା ପାଡ଼୍‌ ଆହ୍‌ନାତ୍।

ଇମ୍‌ଣି ମାର୍ ହାର୍ଦି ପାଡ଼୍‌ ଆହୁତ୍ ହେଦାଙ୍ଗ୍‌ତିଙ୍ଗ୍‌ କାଦ୍‌ଦି ନାଣିତାକେ ତୁହିୟା ଆନାତ୍, ହେଲେକେ ଇମ୍‌ଣାକାନ୍ ହାର୍ଦି ବେଣ୍ ଇନ୍‌ୱିତିସ୍ ହେୱାନିଙ୍ଗ୍ ଈଶ୍ୱର ନାଣିନି ନରକ୍‌ତାକେ ତୁସିହିନାନ୍‌।