ମାଥିଉ 16-ын алдартай Библийн эшлэлүүд

Хуваалцах

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ଆରେ ଆନେଙ୍ଗ୍ ପା ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏନେଙ୍ଗ୍ ପିତର, ଆରେ ଇ କାଲ୍‌ଜପି ଆନେଙ୍ଗ୍ ଜାର୍ ମଣ୍ଡ୍‌ଲି ଇଲ୍ ରହ୍‌ନାଙ୍ଗ୍, ଆରେ ନରକ୍‌ନି ସାକ୍ତି ହେଦାଙ୍ଗ୍‌ତିଙ୍ଗ୍ ଆରାଇ କିଦେଙ୍ଗ୍ ଆଡୁତ୍।

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱର ସାସନ୍ କିନି ରାଜିନି କୁଚିକାଡିଙ୍ଗ୍ ହିଦ୍‌ନାଙ୍ଗ୍। ଆରେ ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ହେଦାଙ୍ଗ୍ ବନ୍ଦ୍ ମାନ୍‌ଙ୍ଗାନାତ୍, ଆରେ, ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।”

ଲାଗିଙ୍ଗ୍ ଇନେର୍ ଜାର୍ ଜିବୁନ୍ ଉଦାର୍ କିଦେଙ୍ଗ୍ ମାନ୍ କିନାନ୍, ହେୱାନ୍ ହେଦାଙ୍ଗ୍ ହାରାୟ୍ କିନାନ୍। ମାତର୍ ଇନେର୍ ନା କାଜିଙ୍ଗ୍ ଜାର୍ ଜିବୁନ୍ ହାରାୟ୍ କିନାନ୍, ହେୱାନ୍ ତା ଜିବୁନ୍‌ତିଙ୍ଗ୍ ବାଚାଇ କିନାନ୍।

ଇନେର୍ ପା ୱିଜୁ ଜଗତ୍‍ତିଙ୍ଗ୍ ପାୟାଆଜି ଜାର୍ ଜିବୁନ୍‌ତିଙ୍ଗ୍ ଆରାୟ୍ କିତିସ୍, ହେଦାଙ୍ଗ୍ ତାଦି ଇନା ଲାବ୍? ଆରେରଗ ମାନାୟ୍ ତା ଜିବୁନ୍ ପାୟାଆନି ବାଦୁଲ୍‌ତ ଈଶ୍ୱରତିଙ୍ଗ୍ ଇନାକା ହିଦେଙ୍ଗ୍ ଆଡ୍‌ନାନ୍?

ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଆନେଙ୍ଗ୍ ଇନେର୍ ଇଞ୍ଜି ଏପେଙ୍ଗ୍ ଇନାକା ବାବିକିନାଦେରା?” ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ହେବେତାଙ୍ଗ୍ ଯୀଶୁ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଏ ଯୁନସ୍‌ ମେହି ଶିମୋନ, ଏନେଙ୍ଗ୍ ଦନ୍ୟ, ଇନେସ୍‌କି ମାନାୟ୍‌ନି କଚଣ୍‌ତ ଇ କାତା ୱେଚ୍‌ୱାତାର୍‌ନା। ମାତର୍ ନା ସରଗ୍‌ନି ଆବା ଇ କାତା ୱେଚ୍‌ଚାତାନ୍‌ନା।