मट्‌टि 13-ын алдартай Библийн эшлэлүүд

Хуваалцах

टर नुऎ बाखाबि टुप्‍मिम्‍पा चारिक् चाइ आक्‍क याॽमिन यो, खोसॆ खानावाँ खेम्‍कु हाङ् वाबुकु उम्‍चा सिमिकु। खोबि टुप्‍मिम्‍पा चारिक्‍बाङ् एकक्, ठुपङ् हाङ् सुपङ् उम्‍चा सिकु।”

हाङ् चिचिङ् हङ्‌सि सिॽमिम्‍पा चारिक् चाइ आक्‍क याॽमिन यो, खोसॆ निवाँहाङ्‌मि खानावाँ खेम्‍कु, टर ग बाखाटेम्‍पिऎ हिङ्‌खामा हाङ् चासुम्‍पि निवाँ टिमिम्‍पासॆ फोःप्‍सिकु हाङ् उम्‍चा सिमिटुनि।

लाम्‍फुबि सिॽमिम्‍पा चारिक् चाइ आक्‍कन यो, खोसॆ निवाँहाङ्‌मि हाङ्‌डाम्‍मि खानावाँ खेम्‍कु, टर म खानावाँ वाबुनि। हाङ् साइटान टाहाङ् उम् निवाँबि टुप्‍मिम्‍पा खानावाँ ङाप्‍फॆकु।

हाङ् लुङ्‌कॽवा नुङ्‌मा बाखाबि सिॽमिम्‍पा चारिक् चाइ आक्‍क याॽमि यो, खोसॆ निवाँहाङ्‌मि खानावाँ खेम्‍मा अक्‍सि चेन्‍चासे निवाँयुङ् लॆकु। टर म खानावाँबि खोम् साम् मर माठुङ्‌मिम्‍पासॆ उम् निवाँयुङ् ऎच्‍छॽम टे लिबिकु। मान्‍ठाभनॆ म खानावाँऎ डुखा हाङ् कास्‍टा टामा अक्‍सि खोसॆ निवाँयुङ् लॆःॽमा याइकु।

“पारुबिऎ हाङ्‌डाम् चाइ एक्‍क रोपाबि हुम्‍भुङ्‌मिम्‍पा चासुम रक्‍मान। एक्‍क याॽमिऎ म यक्‍टकुहाङ् फेरि चुम्‍भुङ्‌कु हाङ् खो चेन्‍चासे खॆ हाङ् टाङ्‌पानुङ् चुहा चोब्‍न चासुम् इन्‍चाकु हाङ् आक्‍क रोपा इनुकु।

टर ऎॽवा चारिक् काम्‍नुऎ बाखाबि सिट्‌टा हाङ् कोइऎ एक्‍क, कोइऎ ठुपङ् हाङ् कोइऎ सुपङ् उम्‍चा सिसु।

मसॆ चारावा खोम्‍मॆ ल मेसाप्‍लढारि हिच्‍चिन पुमिटाम्‍नॆ। हाङ् चारावा खोम्‍मॆ लःबि काम् योम्‍पक् मुखुबाचि याॽल सामा डेनाम्‍नॆ हाङ् मिःबि टिमाम् लागि मुट्‌ठा ठुबाम्‍नॆ, हाङ् सिचाम खोमाम्‍नॆहाङ् काम् बॆङ्‌टावाँबि युक्‍साम्‍ने लोकुङ्‌चि’।”