ମାତ୍ତିଉ 8-ын алдартай Библийн эшлэлүүд

Хуваалцах

ଇନିଃ ଇନ୍‍କୁକେ କାଜିକେଦାଏ, ହେ ହୁଡିଙ୍ଗ୍ ବିଶ୍ଵାସ୍ ମାଣ୍ଡାଅତାନ୍‍କୋ, ଚିନାଃ ଲାଗିନ୍ ଆପେ ବୋରୋ ତାନାପେ? ଏନ୍ତେ ଇନିଃ ବିରିଃ କେତେ ହୋୟୋ ହାର୍ ଦାଆ କେ ଏଗେର୍ କେଦାଏ ହାର୍ ସବେନାଃ ହାପା ଜାନା।

ଶାଅସିପାହୀ କୋୱାଃ ଗୋମ୍‍କେ କାଜିକିଜାଏ, “ହେ ପ୍ରାଭୁ, ଇଙ୍ଗ୍ ଏନ୍ ହୋଡ଼ ଲେକାନିଃ ହ ନାହାଲାଇଙ୍ଗ୍ ଚି ଆମ୍ ଇଙ୍ଗ୍ଆଃ ଅଡ଼୍ଆଃ ହିଜୁଆମ୍, ମେନ୍ଦୋ ମୋଚା ତେ ଭାଇର୍ କାଜିତାମ୍ ଏଣ୍ଡେ ଇଙ୍ଗ୍ଆଃ ଦାସୀ ବେଶ୍ କେନୋଗାଏ।

ନେୟା ଆୟୁମ୍‍କେତେ ୟୀଶୁ ଆକ୍‍ଚାକାଅଃ ଜାନାଏ, ଏନ୍ତେ ଅକନ୍‍କୋ ଇନିଜାଃ ଦୋୟା ତେ ହିଜୁଃ ତାଇକେନାକୋ ଇନ୍‍କୁକେ କାଜିକେଦାଏ, “ଇଙ୍ଗ୍ ଆପେକେ ସାର୍ତି କାଜିତାନିଙ୍ଗ୍, ଚି ଇଙ୍ଗ୍ ଇସ୍ରାଏଲ୍ ଦିଶୁମ୍ ରେନ୍ ହୋଡ଼ୋକୋ ରେହ ନେଲେକାନ୍ ବେଗାର୍ ୟାହୁଦୀ ହୋଡ଼ ହୋବା କେତେ ହ ଇଙ୍ଗ୍ଆଃ ରେ ବିଶ୍ଵାସ୍ ରିକାନିଃ ଲେକା ଜେତାଏ କେ କାଇଙ୍ଗ୍ ନାମାକାଦା।

ଏନ୍ତେ ୟୀଶୁ ଶାଅସିପାହୀ କୋୱାଃ ଗୋମ୍‍କେ କେ କାଜିକେଦାଏ, “ଜୁ ଅଡ଼୍ଆଃ ତେ ଚିଲ୍‍କା ଆମାଃ ବିଶ୍ଵାସ୍ ମେନାଃ, ଏନ୍‍ଲେକାଗି ଆମାଃ ଲାଗିନ୍ ହୋବାଅଃକା। ହାର୍ ଇନିଜାଃ ଦାସୀ ଏନ୍ ସାମାୟ୍ ରେଗି ବେଶ୍ ଜାନାଏ।”

ହାର୍ ଇନ୍‍କୁ ଆକ୍‍ଦାନ୍ଦା କେତେ କାଜିକେଦାକୋ, “ନିଈ ଚିଲ୍‍କାନ୍ ହୋଡ଼ ତାନିଃ, ଚି ମାରାଙ୍ଗ୍ ହୋୟୋ ହାର୍ ଦାଆ ହ ଇନିଜାଃ ଆନାଚୁ କେ ମାନାତିଙ୍ଗ୍ ତାନାକୋ।”