Génesis 3-ын алдартай Библийн эшлэлүүд

Хуваалцах

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

Nukën ꞌIbu Diosan uniokë bëtsi ñuina raëkëma kamasamaira ka runu ꞌiakëxa, usa ꞌixun ka xanu ñukákëxa: —¿Asérabi kara Diosan i bimi naësa ënu ꞌikëkama ënë pixunma anun mi kax?

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

Kakëxun ka Nukën ꞌIbu Diosan ñukákëxa: —¿Uin kara chupañuma kamina aín kixun mi kax? ¿Karamina a pixunma ꞌanun ꞌën mi kakë i bimi a pikëma ꞌain?

Usakin uni chikíntankëxun ka Nukën ꞌIbu Diosan naësa amiaxa bari urukë au ain ángel raíri Edénu ꞌikë bainu nitsíankëxa. Ax ka ángel suntárusa ꞌiakëxa. An ka manë xëtokë tsi rëkirukësa ꞌixuan kuainakë bëkinkin anun bamatima i bimi anua uíxbi kuantirabanan bai bëarati anu nankëxa.

Usa ꞌain ka unin aín xanu Eva kakin anëakëxa, ax ka kamabi uni axa tsókë aín tita ꞌitiokin.