Joh. 14-ын алдартай Библийн эшлэлүүд

Хуваалцах

Kugalak ka kam aban. Aban sibara kaku kuake ka kam. Ta kele siakera taikapolak akenenku ka kam. Bui imasedde bagamui, bui numaloto kam.

Kuanangan ka matania Jesus, “Aku te enungan samba pubulanan samba purimanuaiat. Ta anai sisesege ka Ukkui ke ta kalulut aku.

“Bui imasedde bagamui, kau imatonem bagamui ka Taikamanua, samba kau leu imatonem bagamui kaku.

tapoi Sipasirorom, ia te Ketsat Sipunenan koiniakenen Ukkui ka oningku, nia le geti masipangangantoman kam sangamberinia, samba ibauake ka bagamui sangamberi siniboiku ka matamui.

Kasei siukkaake surukatku, samba sigalaiake nia, ia te simakate baga kaku. Kasei simakate baga ka tubuku, makate leu bagat Ukkuiku ka tubunia, samba aku leu makate baga ka tubunia samba kupatolia tubuku ka tubunia.”

Ia geti tiddoukungan ka Ukkui iake ka kam sara Sipasirorom, bule ipaalei kam teret buruburu, ia te Ketsat Pubulanan. Ta momoi rasilo nia taikapolak, ta poi raitco nia samba ta raagai nia. Kam geti nuagai kam nia, ipaalei poi kam samba ai nia ka paatuatmui.

samba apa le nutiddou kam ka oningku, kubabaraake, bule itulatsatnake Ukkui ka tubut Toga. Ke nutiddou kam apa pa ka oningku kuaake ka kam.”

“Ke makate bagamui ka tubuku, nurereddet kam surukatku.

Maigi kudduat ka lalep Ukkuiku. Ke bai ta anai, ta kukukua kisedda ka matamui. Aipoi mei Aku sedda masitarekngake kudduatmui.

Ke ameian aku masitarekngake kudduatmui, momoi le aku minca kuala kam ka kudduatku, bule kaipa aku, sedda leu kam.

Kuanangan ka matania si Tomas, “Tuhan, ta kuagai kai kaipa nueei; kaipa te kuaagai kai enungan mei sedda?”