John 10-ын алдартай Библийн эшлэлүүд

Хуваалцах

Tă̱ħ'ă̱h nooˑyaħ' deˑa'yo̱ħˑdah'gwaħ naˑno̱s'gwaˑo̱h, neħ' sho̱ nă̱ˑo̱'no̱sˑgòħ, neħˑkuh nă̱s'haˑgoˑnyòħ, neħ' gwaħˑhuh nă̱ˑo̱'iˑwah'do̱ħt; neħ' niiħ' aˑgyo̱ħ'dahˑgo̱h na'ă̱ˑno̱o̱ˑhek' iˑgă̱ă̱, neħ gwaħˑhuh neħ' si''gwa heˑniˑyò'do̱hˑho̱nˑdo̱h heˑna'òˑdiˑyă̱nˑdaħk' neˑneħ' naħˑòt.

Iiħ neˑgă̱ħ ne tgaˑi'waˑyeeˑiħ ne deˑyòˑdiˑno̱ħ'gă̱ˑo̱nt hasˑde'isˑtaħ; neħ ne tgai'waˑyeeˑiħ ne deˑyòˑdiˑno̱ħ'gă̱ˑo̱nt hasˑde'isˑtaħ, neħ haˑgo̱'yatˑgaħ'wih ho̱o̱'heħ ne deˑyòˑdiˑno̱ħˑgă̱ˑo̱nt.

Neħ naˑges'heˑnă̱ħˑsho̱ħ deˑyò'diˑno̱ħ'gă̱ˑo̱nt aˑgwă̱'no̱ˑyă̱nˑdeeˑih; neħ kuh nă̱ă̱ħ iiħ ne' keˑyă̱nˑdeeˑih, neħ' kuh nakˑno̱'dăˑdyeħs.

Neħ kuh keˑyaaˑwis neh hwaħˑòˑi'waˑdaˑdyeħ' yo̱hˑhes'hăħ; tă̱ħˑă̱h' kuh deeˑwă̱nˑdo̱h' taˑga'iˑwahˑdo̱h' heˑwă̱ˑno̱ˑheħ, hă̱ˑyo'iˑwaˑdaˑdyeħ; tă̱ħˑă̱h' deħˑso̱ˑgaaħ' ne'o̱ˑgweh ta'aˑyaħ'daˑdah'gòh ne' gesˑòh'daħˑgĕh.

Iiħ'' neˑgă̱ħ heˑgahˑho'gaˑă̱nt; neħ neh so̱nˑdiħˑgwa'naħˑot ne'o̱ˑgweh neħˑhuh hă̱ˑo̱'yo̱ħˑdak he'gyaħˑdaaˑdeħ', ă̱sˑho̱ˑwa̱ˑyaħ'daˑgòħ ne'neħ; neħˑhuh' hă̱ˑo̱ˑyoˑo̱o̱k, dă̱ntˑhaˑyaˑgă̱ħ'seek kuh, ă̱ˑo̱s'hă̱ˑnyeħ'seek gwaħˑhuh he'o̱ˑweh' ok'hwaˑyă̱nˑdo̱ħ.

Iiħ neˑgă̱ħ ne tgai'waˑyeeˑiħ' ne deˑyòˑdiˑno̱ħ'gă̱ˑo̱nt hasˑde'isˑtaħ, gyă̱nˑdeˑih' gwaħˑhuh naˑges'heˑnă̱ħ'sho̱ħ ne deˑyòˑdiˑno̱ħ'gă̱ˑo̱nt, neħ' gwaħˑhuh na'gyă̱nˑdeeˑih' nă̱ă̱ħ iiħ naˑges'heˑnă̱ħ.

Neħ Naaħ'nih naa'gaˑwii heˑwaˑdi'yaħˑdaaˑdeħ, neħ si''gwaa haˑgoˑwaˑnă̱h' nee''gaˑgweˑgo̱h; tă̱ħˑă̱h dih deħˑso̱o̱ˑgaaħ'' ne'o̱ˑgweh deˑoˑgweˑnyo̱o̱h' na'aˑgo̱'yaħˑda'dahˑgòh nasˑoh'daħˑgĕh' Naaħ'nih. Neħ' niiħ kuh Naaħ'nih sgat' sho̱ heˑyo̱ˑgyaˑdo̱ħ'o̱h.

Neħ shaħˑgaat gwaa heˑniˑyòħ'dă̱ă̱ haˑgyă̱nˑdeeˑih Naaħ'nih, neħˑhuh' nă̱ă̱ħ' iiħ niˑyòħ'dă̱ă̱ heˑyă̱nˑdeeˑih' Naaħ'nih; daˑneħ neh ehˑdaħ'gĕh oħˑkhe'yă̱ˑo̱s heˑgo̱hˑheħ ne deˑyòˑdiˑno̱ħ'gă̱ˑo̱nt.

Deħˑso̱o̱ˑgaaħ' taˑaˑgeh'gwaħ heˑgo̱hˑheħ; neħˑgwaa' neh iiħ' sho̱ akˑni'go̱ˑă̱ħ ehˑdaħ'gĕh aˑgyă̱ă̱h. Neħ' niiħ aˑgeħ'hasˑdes'hăˑyă̱ħ neh ehˑdaħ'gĕh ă̱ˑgyă̱ă̱ħ; neħ' kuh neħ iiħ' aˑgeħˑhasˑdes'haˑyă̱ħ ne' dă̱sˑgek. Neħ neˑgă̱ħ neħˑhuh' niˑaˑgiˑòħ'dă̱sˑdaˑnii Naaħˑnih.

Oˑnaeħ ne Jeˑsus shaˑgo̱ˑyă̱ˑo̱hˑseeħ, Doˑgă̱s', doˑgă̱s' òħˑgwă̱'o̱s, Iiħ'' neˑgă̱ħ gahˑhò'gă̱ˑă̱nt heˑniˑwă̱'niħˑdyo̱ħ ne deˑyòˑdiˑno̱ħ'gă̱ˑo̱nt.

Neħˑgwaa' neh haˑhaħ'shăħ iˑgă̱ă̱' sho̱, tă̱ħˑă̱h naˑeh ne deˑyòˑdiˑno̱ħ'gă̱ˑo̱nt a'asˑde'isˑtaak, tă̱ħˑă̱h' kuh neħ' deˑò'sheˑnă̱ħ ne deˑyòˑdiˑno̱ħ'gă̱ˑo̱nt, gaˑnyòòħ' sho̱ waˑaˑgă̱ħ ne ta'yo̱ˑnih daˑweħ, oˑnă̱h' kuh waaˑgo̱ˑyaatˑgaħ ne deˑyòˑdiˑno̱ħ'gă̱ˑo̱nt, wa'deħˑgòħ; oˑnă̱h' naˑeh ne ta'yo̱ˑnih wa'go̱ˑyeˑno̱o̱ħ, oħˑtaˑgo̱ˑya'deħˑseˑoˑgwat' gwaħˑhuh ne deˑyòˑdiˑno̱ħ'gă̱ˑo̱nt.

Doˑgă̱s', doˑgă̱s' òħˑgwă̱'o̱s, Neħ haˑyaħ'daˑdeħ ne'o̱ˑgweh, ă̱ˑgă̱'o̱o̱k neħˑhuh deħˑto'yo̱ħˑdah'go̱o̱ħ he'o̱ˑweh niˑgaħˑă̱ˑò'gaˑă̱nt heˑwă̱ˑno̱nˑdyă̱ˑdah'gwaħ ne deˑyòˑdiˑno̱ħ'gă̱ˑo̱nt, neħ gwaah' no'yaħˑjih no̱nˑdaˑăħ''thă̱sˑdak, neħ shaħˑgaat ne'neħ naˑno̱s'gwaˑo̱h, kuh neh shaˑgoh'setˑhaħ.