लुका 12-ын алдартай Библийн эшлэлүүд

Хуваалцах

तै खातिर तुहुसब तैयार रह, कथिलेत तुसब नै सोचलहा बखत मानबके बेटा एतौ।”

महज पहिने परमेस्‍वरके राजके खोजि कर तब यि सब चिजसब तोरासबके थैपके देतौ।”

तब येसु भिरमे भेल्‍हा सब लोकसबसे कहल्‍कै, “सब परकारके लोभ लालच करैसे होसियार रह, कथिलेत लोकके जिन्‍गी ओकर धने सम्‍पैतमे अरल नै रहैछै।”

कथिलेत जते तोहर धन रहतौ ओते तोहर मनो रहतौ।”

तोरासबमेसे के चिही जे चिन्‍ता कैरके आपन जिन्‍गी एकोरति बरहाइले सकबिही?

तकरबाद येसु आपन चेलासबके कहल्‍कै, “अहै खातिर आपन परानके लेल कथी खेबै, देहके लेल कथी पिन्‍हबै कैहके चिन्‍ता नै कर।

बासतममे तोरासबके मुरके केसतक गनल छौ। नै डेरा कथिलेत तुसब बहुत बगरासबसे औरो महग चिही।

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

कौवासबके देख, नै त उसब बिचहन छिटैछै, नै काटैछै, ओकरासबके नै त भन्‍डार नै बखारी छै, महज तैयौ परमेस्‍वर ओकरासबके खियाबैछै। तुसब त ओइ चिरै-चुरगुनसे बहुत मुल्‍यबान चिही!

कथी खेबै, कथी पिबै तकर लेल तुसब खोजि आ चिन्‍ता नै कर।

महज आइके हैबला आ बिहानके आइगमे डाइहदै बला चौरीके फुलाके परमेस्‍वर ऐहनसे सजाइछै त उ तोरासबके कतहेक बेसी निकसे सजाइतौ। तोरासबके बिस्‍बास कते छौ?

झापल एहेन कोनो बात नै छै, जे उघारल नै जेतै, घोसारल कोनो बात नै छै, जे थाह नै हेतै।