Luka 6-ын алдартай Библийн эшлэлүүд

Хуваалцах

Mugabe, n’emwe muligabirwa: endengo nzima, eigatirwe, esingisibwe, negerera, baligisesa mu kifuba chanu. Kuba endengo eyo muliba mulengeremo abandi, nimwo n’emwe balibalengera.

Omuntu muzima akwiha ebizima mu nsabo ye nzima y’omutima gwe, kandi omuntu mubi akuleta ebibi byo mu nsabo ye mbi; kuba omunwa gukutenga ha bizwire mu mutima.

Mbe nimwende abahate banu; mukolere abandi kuzima, muhe, mutakutegeza kusuba kuhabwa kintu; kai empera yanu eliba mpango, kandi muliba bana b’Asingire, kuba wenene ni mufura w’abatakusima n’ababi.

Mbe mugir’ekisa, nk’okwo Iso wanu ali n’ekisa.

Muleke kulamula, n’emwe mutalilamurwa; muleke kuha abandi entambala, n’emwe bataligibaha; mukize abandi, niho n’emwe mulikizibwa.

Nawe nkubagambira, imwe abakumpulira, nti: Mwende abahate banu, mukolere kuzima ababahasire. Musime abakubazuma, musabire abakubabehereza.

Kandi okwo mukwenda abantu babagirire, nikwo n’emwe mubagirire mutyo.

Kai omuntu akakuter’oluhi h’etama limo, mutegereho n’elya kabili; kandi omuntu akakusakura omugutu gwawe, iwe nomuhe n’enkanzu yona. Buli akukusaba omuhe; kai akukwaka echawe, otasuba kukimutonga.

Kuba tihaliho iti izima elikuraba ebirabo bibi; kai hona iti ibi tilikuraba ebizima.

Kuba bul’iti likumanywa ha byo likuraba. Kuba tibakutongora amatini ha mahwa, kai tibakusoroma emizabibu ha masugu.