luqa 23-ын алдартай Библийн эшлэлүүд

Хуваалцах

iẓẓall yasuɛ yini: «wa‑baba rbbi, ṣamḥ‑asn. ur‑akkʷ‑ssinn mayd skarn.» grn‑d iɛskrin asġar f‑tmlsa‑ns a‑tnt‑bḍun.

yini‑as yasuɛ: «lḥqq a‑rad‑ak‑iniġ, ra‑didi‑tilit ġassad ġ‑talɛrṣt l‑lmjd.»

izayd yini: «wa‑yasuɛ, swangm‑iyi‑d ġakud nna‑tkšmt s‑tgldit‑nnk.»

yall yasuɛ awal‑ns yini: «wa‑baba, ġ‑gr ifassn‑nnk a‑ġ‑fkiġ rruḥ‑inu.» ġir inna awal‑ad s‑issufġ rruḥ‑ns.

lliġ lkmn adġar lli‑mi‑ttinin ‹tah̬ʷšašt n‑ih̬f› qqnn yasuɛ ġ‑uggjdi alln‑t. qqnn imh̬h̬arn ġ‑iggjda yaḍni, yan f‑ufasiy‑ns d‑yan f‑uẓlmaḍ‑ns.

lliġ tlkm tasaɛt tis snat d‑mrawt ḍrnd‑d tillas f‑tmazirt‑an kullutt, ur‑sul‑tsfaw tafukt ar tasaɛt tis kraṭṭ n‑tdggʷat. yut‑ušrrig lh̬amiya n‑tḥanut tamẓlayt ġ‑tgmmi n‑rbbi, tbḍu f‑sin.

lqbṭan n‑iɛskrin, lliġ iẓra mayd ijran itɛjjb ġ‑lmjd n‑rbbi yini: «s‑ṣṣaḥt, argaz ifulkin ayad.»