Matai 24-ын алдартай Библийн эшлэлүүд

Хуваалцах

Pwu ulumeno lulavaala lulakwila mwoni, pwu ulwene ulugano lwa vongosu lulatsitsima. Uvi ikijumilitsa isika nakuvusililo vi alapona.

Inongwa innonu tsa ludeva tsilapulikika mwoni nkilunga umwu vatsengile avanu, voni avapanzi ukuta vatsimańage, pwu tsilitsa itsa kuvusililo.

Ndapulika iligoha ningolo jya ligoha. Mbandikage, ndakeńemukaga, mańa tsu upita tsilongolage ukuvoneka tsitsitsi, itsene itsa kuvusililo vwu tsikanale tango.

Ulwakuva nikivumbuko ikinge kya vanu kilakihambukila ikivumbuko ikinine, nunkuludeva va kilunga ikinge alamambukila unkuludeva unine uva kilunga ikinge. Jilagwa inzala nsilunga-nsilunga, nikilunga kilalindima nsilunga-nsilunga. Tsoni tsitsitsi lola vwu vutengulilo vwa vusumbe.

Nikya kukyańa nikya pasi ikilunga syu silajagaga, amameńu gango gwu nagalajage lusiku.

Mańa valitsila mwitavwa lyango avanu vongosu valata: Nene Kilisiti. Valavalusanya avanu vongosu.

Pwu valavakinila, valavabuda uńe. Nda vasulwa kuvanu voni ulwakuva ndi nilitavwa lyane. Pwu tsilavambutsa vongosu tsitsitsi. Valata nukuhendamanila avene vene. Navene navańamalago va vunwasi valima va vongosu avalavalusa avanu vongosu.

Pwu UJesu akanda akata: Mbandikage, mulole nujyunge alavatekaga.

Pwu ndita vwu mwisavulage vuvule-vule nuńe, mańa Uńamunu ndavona itsile pakilo ukwu uńe mwita pange akanale.

Pwu ndita: Mbetsage miho, mańa namukamańili akavalilo ka kwitsila unkuludeva vińo.

Ilyene ilitsuva lilya nakavalilo kalya kwu nujyunge umunu nakamańili, navene navasuṅwa va kukyańa navakamańili, nunswambe nakamańili, akamańile ju dada mwene.

Mańa valasisimuka nava-Kilisiti va vunwasi navańamalago va vunwasi, valapelaga isya kudega isivaha nisipelwa isya kugetsa ukuvajatsa navahalilwe.

Itsa pakwitsila Uńamunu natsene tsilava ndatsilya itsa pamwaka gwa Nwaka. Palya, mmatsuva galya ulwongometso luvetsage pakwitsa, pwu avene avanu sikutsoni vuvule vakata nukulya isinu vakata nukuńwa uvugimbi, vakata nukutola avadala, vakata nukuvavika kuvagosi va vene, vakatsisika palitsuva ilyu UNwaka ingilage mungalava. Vakabela ukwisagila itsinge vakatsisika upwu ulwongometso lwitsile luvambulinye vuvule voni. Vwu valagahaga vuvule-vule upwu ikwitsa Uńamunu.