Lûk 21-ын алдартай Библийн эшлэлүүд

Хуваалцах

Kû n̂g ebám byiko ba-fâ nshwam kángkáng nkéré, eringe nyí badaman ekyú ne busa ḿbú badafem ké byěm ḿbyín kángkáng ḿbyí byi/chi byi-chi, ne ba-bwom ké bushú ḿbú Wǎn mú Onet.

Kû n̂g ebám byiko enen. *Da n̂g echi ba-mîng okabe mú ajî eryí ne bato ejwáp ḿbé badabwóm ne ekyíkéré ké dyityém kyi-kim ne dyikpen ńdyín byi-cít běn*. Â kyi*fí éné* dyicí ándyi dyi/chi dyi-byí běn kiǐmút.

Cíp n̂g dyityém, ké ebóng, ké dyityém ecíp nké ben ba/chi ba-nyii byiko enen.

Ké ebóng, me n/chi n-kye běn dyizong-ejá ne bubong ḿbyí onet-bushwôn enen nang obónge oo*ba/chi o-man běn ekpógê* o-né to nang ńkyí ben badasét*.

Bubóng ne esí byi/chi byi-man, nké ejá ejí ee*ba/chi e-waa kyísí ne banyá*.

Ekap e/chi e-tông ké óbyísû ne ké otukáku ne ké ékpére. Ké ejíí, eshê ee*ba/chi e-chîkyú ne okabe mú dyikpen* ké bushî ḿbú ba/chi ba-kûshî kyirime-baya ne onâng emen to mú ba/chi ba-kûnáng kakânkakân. Banet ba/chi ba-kûjwâa ké bushî ké nkéré mú ba-kú ba-bám m ba-ri chwǒm ńkyí nkyi kyi-bâ echi ké ejíí emúmú. Ké ebóng, busa ḿbú mbu bu-níbî ng byěm ḿbyí kyíbóng bu/chi bu-náng. Ne ba/chi ba-ri Wǎn-Onet kâng ké o-kú o-bâ ké ófíbí ne busa ḿbú kiǐtí ne kiǐtí-busan ḿbú ragerage.

Ba/chi ba-kûsa kángkáng banet kafâ ké dyishí ejí.

Esí e/chi e-náng kakânkakân. Esong ne byirwóm ḿbyí byidakoo oshê omúmú byi/chi byi-róng ké kángkáng byikit. Biǐtí-ekap ḿbyí byi/chi byi-chi banet ba-firi ne bushî byi/chi byi-tông kyíbóng.

Ofong o*dachi o-kédê běn* â ba/jwo kyi-kim ne byití* nang bunwa ḿbú mbu ké oshê*. Azong-byěm ányi a-man a-chi kpá, nké kyi*da/byí kyi/fu, nkuli kyikû-nkéré oo/fyi*. O-chîraa o-ca kashú o/fu, oshê ne oshê ba/chi ba-kûnwa ne barî. Kyibám-butu ne kyibám-butu byi/chi byi-kûnwa to ne barî.

Ekap e/chi e-tông ké óbyísû ne ké otukáku ne ké ékpére. Ké ejíí, eshê ee*ba/chi e-chîkyú ne okabe mú dyikpen* ké bushî ḿbú ba/chi ba-kûshî kyirime-baya ne onâng emen to mú ba/chi ba-kûnáng kakânkakân. Banet ba/chi ba-kûjwâa ké bushî ké nkéré mú ba-kú ba-bám m ba-ri chwǒm ńkyí nkyi kyi-bâ echi ké ejíí emúmú. Ké ebóng, busa ḿbú mbu bu-níbî ng byěm ḿbyí kyíbóng bu/chi bu-náng.

O-chîraa o-ca kashú o/fu, oshê ne oshê ba/chi ba-kûnwa ne barî. Kyibám-butu ne kyibám-butu byi/chi byi-kûnwa to ne barî.

Jisos o-sét kámbé o/fu, kû n̂g ebám byiko enen, eringe nyí banet baa*ba/chi ba-nîm běn*. Ké ebóng, banet chwóó ba/chi ba-bâ ké dyizîn ejí ba-kûraa ba/fu, dǐi, me nké mu onet mú Osówo o/kúng ǎ butu. Ba-kûsét to ba/fu, nkéré oo/fyi. Nké *da n̂g echi ba-ca ne mbé ké kyikû*.