Luk 13-ын алдартай Библийн эшлэлүүд

Хуваалцах

Mukore kyona eki murikubaasa kutaahira omu irembo erifunzire, ahabw'okuba nimbagambira, ngu baingi baryateeraho kutaahamu kwonka baremwe.

Haashangwa hariho omukazi owaabaire amazire emyaka ikumi na munaana ariho ekyago ekyamuhendahenzire, akacweka omugongo, atabaase kwemerera burunga. Yesu ku yaamureebire, yaamweta, yaamugira ati: Mukazi 'we, waakira obumuga.

Atyo amutaho engaro; ahonaaho ogwo mukazi agororoka, ahimbisa Ruhanga.

Manya ab'okuhereeruka baryaba ab'okubanza, n'ab'okubanza babe ab'okuhereeruka.

Nyineeka ku ariheza kwimuka yaakinga orwigi, muryashanga mwemereire aheeru nimwiguza muti: Mukama waitu, twigurireho! Kwonka aryabagarukamu ati: Tindikumanya ahi murikuruga.

Ngaaha, nimbagambira ngu tikwo baabaire bari. Kwonka naimwe, ku muraabe muteegarukiremu, muryahwerekyerera nkabo.

We aryabagarukamu ati: Tindikumanya ahi murikuruga. Nimundugyeho, imwe mwena enkozi z'ebibi.

Yesu akongyera kugamba ati: Obukama bwa Ruhanga nibushusha ki? Mbwenu mbugyeragyeranise na ki? Buri nk'enjuma y'embibo ya karidaari, ei omuntu yaatwaire akanaga omu musiri gwe; ekakura, ekarugamu omuti, enyonyi z'omu kaabunga zikaarika omu mataagi gaagwo.