Mateo 1-ын алдартай Библийн эшлэлүүд

Хуваалцах

Kabiji aye ukasema mwana wamulume, ne obewa ukamutumba jizhina janji amba Yesu, mambo aye yenka ukebapulusha bantu banji ku mambo abo.”

“Talai! Muzhike wakishinka wabula kusambakanapo na mwanamulume ukemita jiimi, ukasema mwana wamulume, kabiji bakamutumba jizhina janji amba Emanuele.” (Kulumbulula, ko kuuba amba, “Lesa tuji nanji.”)

Kabiji byo a kilangulukilenga byo byo, ponkapo malaika wa Nkambo wamwekele mu kiloto amba, “Obewa Yosefwa, mwana Davida, kuchiina kumulaajika Maliya ke mukazhobe ne. Mambo awa ye a imita munda mwanji ye wa kwa Mupashi Wazhila.

Kabiji kusemwa kwa Yesu Kilishitu kwajinga byonkabye. Inanji Maliya byo bamwipangwizhe kwi Yosefwa, kasa bakyangye kwilaajika, bamumwene kasa a imita jiimi ja ku Mupashi Wazhila. Kabiji Yosefwa mwata wanji byo ajinga waoloka, kechi wasakile kumulengesha bumvu ku meso a bantu bonse ne, wafuukwile amba, akamukaine kumbaji.