PANDARIADDI 32-ын алдартай Библийн эшлэлүүд

Хуваалцах

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

Ana see unnu taumata udde, “Pallosa'a i ya'u; tate mal᷊annu lai matannallo sumabbangke.” I Yakub sinumimbakka, “I ya'u tawe mamallosi i Tuangnga, tabbene'e amungkangu i Tuangnga mangal᷊amatta si ya'u.”

Arawe i tou natantangke sassane. Ne nirumantate sangkatou esakka nallaṛṛawa'i Yakub naddatingngu maranin nallo.

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

Napawe taumata udde naapendamma manungku i tou tawe maauntungnga sulal᷊ummu pallaṛṛawa'a udde, i tou namuulla si Yakub su tapannangnge, na'oman sara pasasondoṛṛannu tapanangnge naggal᷊isa.

“Isai arannu?” aiwal᷊on taumata udde, “I Yakub” sasimbakke.

I Yakub nabbisara, “Wal᷊oa'e aranni Tuangnga.” Arawe taumata udde sinumimbakka, “Tawe su ṛinone i'o maiwal᷊on arangku!” Ana see i Tou nangal᷊amatte si Yakub.

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u MAWU si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

Naddatingngu orassa indi lai papapulunni Israel tawe uminassa ṛemessa apan ua'oossa tapanna'u winatangnga, ana waugu i Yakub buatte nipuulla su tapannangnge.

Wua'udde i Yakub niumal᷊iomanna, “Oh Ruata, apan sassubannu iupungku Abraham, wuṛṛu iamangku i Ishak, daringiṛṛewe i ya'u! MAWU buatte nandolo'u mapul᷊e mabelengnga watukku wanua'u wuṛṛu manga tuṛṛangku. Wuṛṛu MAWU naddiandi sarun mangatokku al᷊awo'u hausanna apan mapia si ya'u.

I ya'u sumal᷊ande ringannu atonna, liuaawe i ya'u wuassu iaangku i Esau. I ya'u matta'utta aṛṛengenne i tou rumanta mamangalo wuṛṛu mamate si yami sarangkanambone, see lai wawine wuṛṛu manga ana'a.