YOHANES 19-ын алдартай Библийн эшлэлүүд

Хуваалцах

Yesus nyesep ranu anggur yiru, balalu kaeau, “Haut ganap!” Balalu hanye ngatule uluni palus matei.

Yesus karasa bawilah tuu itati katuluhni haut ganap, nelang nampan inun sa haut nasurat hawuang Surat Barasis tau tulus, hanye kaeau, “Aku malah.”

Tawuk Yesus kadinung inehni anri ulun sa umba hanye sa nasintani minri hang yiru, hanye kaeau ma inehni, “Ineh, iru anak ineh.” Kamulek Yesus kaeau ma kawan ulun sa umba hanye yiru, “Iru ineh naun.” Teka tawuk yiru ulun yiru narime ineh Yesus muneng hang lewuni.

Tawuk here hampe Yesus, here kadinung hanye haut matei. Here balalu puang nyantepu peeni. Kude erang kaulun teka kawan parajurit yiru nyuduk hang imbe hengkang Yesus makai tombak balalu kaluar ira anri ranu.

Hal kalayiru nampan tulus inun sa haut nasurat hawuang Surat Barasis hanyeyiru, “Puang sunah isa teka taulangni nasantepu”. Hawuang Surat Barasis pada naan nasurat, “Here sagar nantau hanye sa haut nasuduk here”.

Yesus kaluar nelang ngantung balasangarni raerai ma unengan sa bangaran “Unengan Kuruwangah”. (Hawuang basa Ibrani naantuh: Golgota.)

Kawan parajurit balalu ngulah isa mahkota teka kawan jangkeng barunrui, palus namu hang ulu Yesus. Udi hie here nuwe ma hanye jubah bawarna ungu