YAHYA 19-ын алдартай Библийн эшлэлүүд

Хуваалцах

Isa nyepcep anggur jareya, laju adhabu, “La mare!” Saellana jareya Isa nondhu', laju seda.

Isa ngagali ja' sateya kabbi la mare, ban sopaja apa se esebbuttagi e dhalem Alketab kalakon, laju adhabu, “Sengko' pelka'.”

E bakto Isa ngoladi ebuna ban moredda se ekaase'e Salerana manjeng e jadhiya, laju adhabu, “Ebu, ganeka pottrana sampeyan.” Saellana jareya Isa adhabu ka moredda jareya, “Jareya ebuna ba'na.” Sajjegga jareya bi' moredda jareya ebuna Isa ekakompol e bengkona.

Sanapa'na ka Isa, reng-oreng jareya nangale ja' Isa la seda, daddi burung ta' epapotong bettessa. Tape badha settong sardhadhu se nyocowagi tombagga ka roso'na Isa; dhari lokana jareya kalowar dhara ban aeng.

Kan kantha jareya sopaja kalakon apa se esebbuttagi e dhalem Alketab, se monyena, “Tolangnga tadha' se epapotonga maske settonga”. E dhalem Alketab esebbuttagi keya, “Reng-oreng jareya bakal ngabasa Salerana se ecoco jareya.”

Isa kalowar sambi mekol salibba ka kennengngan se anyama “Kennengnganna Galunthonganna Cethak”. (Oca' Ibranina Golgota.)

Rit-parjurit agabay makotha dhari ca'-ranca' se adhuri, pas epasang ka serana Isa. Saellana jareya Isa laju epangagem mantel se barnana bungo terrong