Yohanes 19-ын алдартай Библийн эшлэлүүд

Хуваалцах

Esigit diluk wogokukama, induk walkasikesik nen, men yisike, “Arat kagaki o!” yiluk yisikesik nen, urowak nggonokogo ebe arat watlagike.

Esigit diluk arat kagakukasikmo nen, at Yesus akla nen, “Yi wene ndi wene taʼbokogonat ilugun nggobokogo arat kagaki,” yiluk ilu nogo nen, Allah wene kolal mbalogo ʼbisuka mende ndak-ndak asuwagaluk, “An i abu,” yisike.

Nen, at agoya inom, agoromi ane waganggo laguka mende omanggi endainggen kunik mondok welagike mende etnogo inom, eragalilu esigit diluk mendek werekma ilenggen iyasikesik nen, at agoya yogoko dogolik, “Nagoya. Kat keyak etiat o,” yiluk yogokikesik, at agot ane waganggo laguka mende omanggi etnogo esigit diluk yogoko dogolik, “Nagot. Kat kagoya etiat o,” yiluk yisi nggorlek eranogoat Yesus agoya etnogo, at agot eti nen pago dogowagaluk aguma wolok lagike.

Esigit diluk kagakukasik nen, Yesus inilenggen ʼbikasuka mende, arat watlagikemo nen, iyok owak ndamelkidek togot disuka. Esigit diluk ndamelkidek togot disuka mende, ap tentara yomenogo omanggi nen, sege paga Yesus arenggeyakma ndaukogo wakikemo, sege elolangge amep inom, i inom, duki lagike.

Wene esigit diluk kagat lagike eti Allah wene paga kolal men yiluk mbalogo ʼbisukama werek, “At owak ndamel dugun mondok dek o,” yiluk yisuka. Nen omanggi, “At ebe sege paga ndaukogo wat diluk inilenggen kugun o,” yiluk yisukama Allah wene paga kolal mbalogo ʼbisuka mende werekma ebeat asuwagaluk esigit diluk kagakuka.

Wolok duki wisuwogoluk nen, o Yesus ebe mendiluk wasugun mende etnogo enggaerek nen wolok lowagaluk omorlo paga ʼbisukasik, o nit ninane paga, endaga Inunggulowak Mbalegem unggul yu kak, it akoni Ibrani mende inane paga, endaga Golgota etoma wolok duki waguka.

Esigit diluk wogisasikemo, it ap tentara nen ap nggokndek mende inenggare-nggare yikiligogi eti kak, arlok weyak mende manggona warogo Yesus unggulowak oba yiʼbigik, su elokonggen nggiʼbi-nggiʼbi warek negen, ap nggokndek yikiligogi mende negen yiʼbigik, kagakuka.