YOHANES 6-ын алдартай Библийн эшлэлүүд

Хуваалцах

Nakkeda Yésus lao ri mennang, “Iyya'na roti iya mabbéré atuwong. Tau iya laowé ri Iyya dé'na namalupu lettu mannennungeng. Sibawa tau iya mateppe'é ri Iyya dé'na namadekkana lettu mannennungeng.

Iya patuwoéngngi rupatauwé iyanaritu Rohna Allataala. Awatangenna rupa tauwé dé'gaga gunana. Ada-ada iya Upalettukengngékkoé iyanaritu ada-adanna Rohna Allataala iyanaritu ada-ada iya mabbéré atuwong.

Aja' muwajjama untu' lolongeng nanré iya weddingngé cappu sibawa makebbong. Ajjamako untu' lolongeng nanré iya dé'é nawedding makebbong sibawa mabbéréwé atuwong mannennungeng. Iyaro nanré nabbéréyangngi matu Ana'na Tolinoé lao ri iko, saba' purani rilanti ri Allataala Ambo'é.”

Mémeng iyanaé élona Ambo'-Ku: Kuwammengngi sininna iya mitaéngngi Ana'é sibawa mateppe' ri Aléna mappunnai atuwong mannennungeng, sibawa Upatuwoi paimeng ri Esso Kiyame'.”

Nappébali Yésus, “Iyanaé naélori Allataala polé ri iko: Ateppe'ko lao ri iya nasuroé Allataala.”

Sininna tauwé iya nabbéréyangngé Ambo'é lao ri Iyya laowi matu ri Iyya. Dé' Umaélo sampéyangngi nigi-nigi lao ri Iyya.

Nakkeda Simon Pétrus ri Yésus, “Puwang, niga maélo rilaowi? Ada-adatta Puwang mabbéré atuwong mannennungeng.

Iyya'na roti nonnoé polé ri surugaé – roti iya mabbéré atuwong. Tau iya manrééngngi iyaé rotié tuwoi matu mannennungeng. Roti iya maéloé Uwabbéréyang untu' atuwonna rupa tauwé ri linoé iyanaritu juku-Ku.”

Dé' séddi tau wedding polé ri Iyya, rékko Ambo' iya suroék-Ka, dé' natiwii lao ri Iyya; na nigi-nigi polé, Upaoto'i matu ri Esso Kiyame'.

Saba' roti iya nabbéréyangngé Allataala iyanaritu iya nonnoé polé ri surugaé sibawa mabbéré atuwong lao ri rupa tauwé ri linoé.”

Iyya'na roti iya mabbéré atuwong.

Nainappa nala Yésus iyaro rotié, nanasukkuru ri Allataala. Purairo nabagé-bagéni iyaro sining rotié lao ri tau maégaéro. Nainappa sukkuru'to nanabagé-bagéi iyaro sining balé, nanréna mennang gangka messo. Puranana manré maneng gangka messo, makkedani Yésus lao ri ana'-ana' gurun-Na, “Paddeppungengngi lebbinna iyaro nanré; aja' naengka tabbé.”

Sompe'nana kira-kira lima iyaré'ga enneng kilo, naitani Yésus polé joppa ri tompo'na uwai. Métau senna'ni mennang. Iyakiya makkedai Yésus lao ri mennang, “Aja' mumétau, Iyya'é!”