YOHANES 4-ын алдартай Библийн эшлэлүүд

Хуваалцах

Saba' iyaro Allataala Roh-i, na banna iya nasibawangngé akuwasanna Rohna Allataala naulléi tauwé sompai Ambo'é selaku Allataala iya tongengngé.”

Iyakiya poléi matu wettunna, mala poléni, makkedaé nasibawang akuwasanna Rohna Allataala, nasompai matu tauwé Ambo'é selaku Allataala tongengngé pada-pada naéloriyé Ambo'é.

Iyakiya tau iya ménungngéngngi uwai maéloé Uwabbéréyang, dé'na namadekkana lettu mannennungeng. Saba' uwai maéloé Uwabbéréyang mancajiwi matu mata uwai ri laleng aléna iya jompié massu sibawa mabbéré atuwong mannennungeng.”

Nappébali Yésus, “Akkalarapanna muwissengngi pabbéréna Allataala sibawa niga iya méllauwé uwai rinung ri iko, tentu méllau tokko uwai rinung ri Aléna, na-Nawérékko matu uwai tuwo.”

Nakkeda Yésus, “Nanré-Ku iyanaritu maccowériwi élo-Na iya suroék-Ka, sibawa pappurai jamang iya nawéréngngék-Ka.

Nakkeda iyaro makkunraié, “Dé' tappunnai banrong Puwang, na iyaé bujungngé malamung senna'. Polé kégaki Puwang lolongeng uwai tuwo?

Nakkeda iyaro makkunraié lao ri Yésus, “Uwisseng Arung Pappassalama'é (iya riyasengngé Kristus) maéloi polé. Rékko poléi, nappaddissengengngi matu sininna séuwa-séuwaé lao ri idi.” Nakkeda Yésus, “Iyya'naé. Iyya, iya makkekkuwangngé mabbicara sibawa iko.”

“Laono mai muwitai tau iya powadangngékka sininna puraé upogau'. Naulléga iyanaro Arung Pappassalama'é?”