YOHANES 1-ын алдартай Библийн эшлэлүүд

Хуваалцах

Namuni engkato tau tarimai sibawa mateppe' ri Aléna, nawéréngngi ha' mancaji ana' Allataala

Ri pammulanna, dé'napa naripancaji linoé, engka mémenni Saddaé. Engkai Saddaé silaong Allataala sibawa Saddaé pada-padai Allataala.

Iyaro tajangngé mattappai ri laleng pettangngé, na iyaro pettangngé dé' naulléi peddéiwi.

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

Iya manenna ripancajiwi naolai Aléna, sibawa polé ri sininna iya engkaé, dé'gaga séddi dé' naripancaji polé ri Aléna. Iyaro Saddaé assalennai atuwongngé, na iyaro atuwongngé mabbéréi tajang lao ri rupa tauwé.

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

Saddaé engkai ri linoé, ripancajiwi linoé polé ri Aléna, iyakiya dé' naissengngi linoé. Laowi ri wanuwan-Na muto iyakiya dé' naritarima ri bangsa-Na.

Tajang tonget-tongengngé iya tappaéngngi sininna rupa tauwé, poléi ri linoé.

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.