Luka 6-ын алдартай Библийн эшлэлүүд

Хуваалцах

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Mûndû mwaro aragia maûndû maro marîa maumîte ngororî yake. Nake mûndû mûcûku aragia maûndû macûku marîa maumîte ngororî yake. Mûndû aragia maûndû marîa mecûrîte ngororî yake.

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Kwoguo îgucanagîrani ntha wata ûrîa îthe wenyu amwîgucagîra ntha.

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

“Namue andû arîa mûnthikîrîrîtie nîramwîra atîrî: Endagani nthû cienyu. Nao andû arîa mamûmenete mekageni waro. Arîa mamwimagîra irî, metagîrieni kîrathimo kuuma kûrî Ngai, na mûvoyagîre arîa mamwîkaga naaî.

Îkaga andû arîa engî wata ûrîa ûngîenda o magwîke.”

Mûndû angîgûcamûra rûvî rûthîa rwa mwena ûmwe, mûvûgûrîre wana rûu rwîngî arûcamûre. Na mûndû angîgûcuna îgooti rîaku, mwîtîkîrie oce nginya cati yaku. Mûndû wa wonthe angîkûvoya kîndû mûve, na mûndû wa wonthe angîgûcuna kîndû gîaku, ndûkamwîtie.

“Gûtirî mûtî mwaro ûngîciara maciaro macûku kana mûtî mûcûku ûciare maciaro maro.

Wa mûtî ûmenyekaga na maciaro ma guo. Nîûndû ngûyû ititucagwa mîtîrî ya mîgua kana thavibu ituuwe kaiavarî.