Mbete Za̧h 21-ын алдартай Библийн эшлэлүүд

Хуваалцах

Ku su̧ fe bale, Zezu ɓah hi̧ Simu Piyer : « Simu gun Za̧h, mu sa mi ŋgi̧ kal tul a a̧yri le ? » Piyer ɓah : « Gaŋ bi, mu tu ɓahri, mi yih mu. » Zezu el ɓah : « Mú hɔl gun sami biri. » Zezu ɓah ra ɓáy ɓa bɔk a seɗe-u : « Simu gun Za̧h, mu sa mi le ? » Piyer ɓah : « Gaŋ bi, mu tu ɓahri se, mi yih mu yih. » Zezu el ɓah ra : « Mú mgba sa̧w sami biri. » Zezu ɓah ra ɓáy nderi a bɔk sayu : « Simu gun Za̧h, mu yih mi le ? » Law Piyer rih ni mba ɓay fe le, Zezu vbi ni ɓa a bɔk sayu ɓahri, ke sa ni ra le. Mí ke yih nzak ye ɓahri : « Gaŋ bi, feri riw mu tu-tu. Mu tu ɓahri, mi yih mu yi-yih. » Zezu ɓahri : « Mú hɔl sami biri. »

Bale ke el ɓahri : « Gelu munu, ɓa ketina, mu yih ɓay bi gaŋ, mi ƴo ɓah ɓayay hi̧ mu, ke seke wo le, mu ƴo ŋga̧h tul si̧h wo ke mun. Mu ha̧rma kandɔk ké law wo yih. Mu kpɔ́krɔ dale, mu ɓay ndar ndɔk wo. Nzuk a ɓoru mí ɓay ŋga̧h tul si̧h wo, ku ɓay kɔklɔ mu ma gel ké mu sa si ri ya. »

Mí Zezu el ɓah hi̧ niri ɓahri : « Í vbu kȩke woiri ma fál ndɔk lakna ké ɓel kumbonaw, i zíŋu. » Ku vbu kȩke ra ba, mí ku te nzuyri mbah ɓilu. Ŋgerna ɔ́r kȩke ma síɓa kara mba niri.

Dale Simu Piyer ɓah, a ye ke tɔ́r si fa̧hra mbih. Mí ku yih nzak ye ɓahri, a woyri ku sí ziŋ ni pi. Kandɔkaw mí ku tɔr. Ku si hil kumbon, ku hehre. Ku fa̧hra mbih ke suŋu-aw kpu̧ru, mí nzuy mbew kara ku mgba ya.