Йуһʼәнна 15-ын алдартай Библийн эшлэлүүд

Хуваалцах

Әз ьм кʼола тьрийе, һун жи чʼьԛьл ьн. Әԝе кӧ Мьнва дьминә у Әз жи ԝива дьминьм, әԝе гәләки бәр бьдә. Чьмки бейи Мьн һун нькарьн тʼӧ тьшти бькьн.

Нав Мьнда бьминьн, Әз жи нав ԝәда. Чаԝа чʼьԛьл хԝәха нькарә бәр бьдә, һәгәр кʼолева нәминә, ӧса жи һун нькарьн, һәгәр Мьнва нәминьн.

Һәгәр һун нава Мьнда бьминьн у готьнед Мьн жи нава ԝәда бьминьн, һун чь дьхԝазьн бьхԝазьн, ԝе ԝәрʼа бе дайине.

Нә кӧ ԝә Әз бьжартьм, ле Мьн һун бьжартьн у кʼьфш кьрьн, ԝәки һун һәрʼьн бәр бьдьн у бәре ԝә бьминә. Һьнге һун чь кӧ пе наве Мьн жь Баве бьхԝазьн, Әԝе бьдә ԝә.

Тʼӧ һʼьзкьрьн сәр ԝе һʼьзкьрьнерʼа тʼӧнә, кӧ йәк әʼмьре хԝә бәр достед хԝәва бьдә.

Һәр чʼьԛьле Мьнва кӧ бәр надә әԝ дьбьрʼә. Ле әԝ чʼьԛьле кӧ бәр дьдә жь чьрпийа паԛьж дькә, ԝәки һе гәләки бәр бьдә.

Әв ә тʼәмийа Мьн: Һәвдӧ һʼьз бькьн, чаԝа кӧ Мьн һун һʼьз кьрьн.

Бь ве йәке Баве Мьне бе рʼумәткьрьне, гава һун пе гәләк бәрдайине бьдьнә кʼьфше, кӧ һун бунә шагьртед Мьн.

Әз ьм кʼола тьрийейә рʼаст, Баве Мьн жи рʼәзван ә.

Һәгәр йәк Мьнва нәминә, әԝ мина чʼьԛьләки ԝеда авити йә, кӧ һʼьшк дьбә. У тʼоп дькьн давежьнә нава егьр дьшәԝьтиньн.

Мьн әв йәкана ԝәрʼа готьн, ԝәки шабуна Мьн нава ԝәда бьминә у шабуна ԝә тʼәмам бә.

Һәгәр һун тʼәмийед Мьн хԝәй кьн, һуне һʼьзкьрьна Мьнда бьминьн, чаԝа кӧ Мьн тʼәмийед Баве Хԝә хԝәй кьрьн у һʼьзкьрьна Ԝида дьминьм.

Әз тʼәмийа ве йәке дьдьм, кӧ һун һәвдӧ һʼьз бькьн.

Һәгәр һун пʼара дьнйайе буна, дьнйайе йед хԝә һʼьз бькьра. Ле Мьн һун жь дьнйайе бьжартьнә, һун нә пʼара дьнйайе нә, ләма дьнйа дьжәнә ԝә.