Yohane 16-ын алдартай Библийн эшлэлүүд

Хуваалцах

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.

Úti úbedu uwi ɔmɛni kemmo ni, bítakpali-mi lɛnyi bítevele tɔ Katɔti lɛla lɛdi. Bivele-nwu na ɔdubute-mii, na bina ebiti adubudu awɔlɔ.

Nsu mɔɔsu-mii geen ka ni, si lɛ́tɔlɔ-mii kudɔ ni, ɔdia-mii utulo. Ɔsika si ńtatɔlɔ ni, Ubunkune ɔmmɔ ulebo-mii kudɔ. Nsu si lɛ́tɔlɔ ni, ndubɔtala-nwu lɛkya-mii. Na si úbo ni, ɔdubo ubedie ɔtina kayawi bekyuli ƒui nwaa ka baabla likpidi, na baaasiaku ulu siin ɔmmɔ lɛlɔ, na benye Katɔti anumi kalɛ na ɔtɛku-ma litemi.

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii! “Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.