Luka 3-ын алдартай Библийн эшлэлүүд

Хуваалцах

Bulaanu, abaandu boosi nibali nibabatisiibwe, haandi Yesu yesi niyali n'amalire ohubatiisibwa, mani naali ohusabaanga, ekulu lyeekulwa, mani Mwooyo Mwoolerefu yamwiihaho mu ngeri y'omubiri nafwaanana koti eguugu, haandi ekono lyatula Muukulu niliboola liti, “Niiwe Omwaana waange muheerwa; niiwe yi sangaliire.”

nae Yowaana yabakobolamo boosi ati, “Ese mbabatiisa neende amaachi; nae oyo owuhira oluyaali ali ohwiicha, yi ese tahoyera ohuboolola esya ch'ebiraato byae; oyo niye ochia ohubabatiisa neende Mwooyo Mwoolerefu haandi neende omuliro.

Mani mwaame ebyaamo bihoyera ohweyolobya, haandi mutachaaka ohweboolera abeene-na-beene muti, ‘Efwe huli abaana ba Abburahamu;’ olwohuba mbaboolera endi, Nasaae ali neende obunyala bw'ohubukula amakina kano yakaholamo abaana ba Abburahamu.

Kata bulaanu buti, embaachi yiteerwe hu musi bweene wa buli musaala; mani buli musaala okutaama ebyaamo bilai kuchia ohutemerwa aasi, mani kusukunwe mu muliro.”

Koti lu syandiikwa mu sitabo sy'emboosi cha Yisaaya omunabbi siti, “Ekono ly'omuundu wuundi ohumulira mu siparara n'aboola ati: Mutereese engira y'Omwaami, mukolole emyaanda chae. Buli hooho yicha ohwichuswa, haandi buli lugulu neende esigulu bichia ohukwalaaswa, neende ebyo ebyeekodakoda bichia ohukololwa, neende engira ch'ebiguruguunya chichia ohunyiriswa; haandi buli muundu yeesi achia ohubona obuwonia bwa Nasaae.”