SAN JUAN 19-ын алдартай Библийн эшлэлүүд

Хуваалцах

Apyenchek axta Jesús xa anmen ekmanyása nak, aptahak axta appakmétencha'a s'e: —Penchásexchek elánamáxche. Keñe axta ekwéweynto apkátek apketsapa.

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

Xama axta apwet'a Jesús egken enmeyncha'a xamo' ma'a apkeltámeso ektaha axta apchásekhayókxa, aptahak axta apcháneya egken se'e: —Cháxa étche xa. Keñe axta anhan aptaha Jesús apcháneya apkeltámeso s'e: —Cháxa egken xa. Axta kenyamhok apyentamákxo apxagkok Jesús apkeltámeso m'a María.

Xama axta apkelyepetchegwokmoho nahan Jesús xa sẽlpextétamo nak, apwet'ak axta apketsapa. Ekeso eñamakxa megkólekkexchesa axta apyay'ák Jesús. Xama sẽlpextétamo axta eyke apkelyetxakkásak nápakha sawhéwa Jesús, ñohok axta ektepa éma tén han yegmen.

Temék axta ekyókxoho xa ektaha nak, yakwayam enxoho kasawhaxkohok katnehek ektémakxa nak eknaktáxésamaxche s'e: “Megkólekkexchesek sat apexchakkok xama enxoho.” Keñe anhan mók eknaktáxésamaxche ektéma s'e: “Elanok sat ma'a énxet'ák ektaha axta apkelyetxakxo.”

Apxegkek axta Jesús appatma aksok ektegyéso, yakwayam emhagkok ma'a yókxexma kéltéma axta “Kélpátek Axchapok” (apkeltémakxa nak hebreos Gólgota).

Apkelanak axta sẽlpextétamo kélteté kélpátek am'ák, appekkenchesek axta apkátek Jesús, kéltaxneyásekxeyk axta nahan Jesús apáwa hómáyok.