MARCOS 6-ын алдартай Библийн эшлэлүүд

Хуваалцах

Ra Jesúz leeyâme: ―Lâ te, tzo nó diby lad to ru ndruhty nehx nu, lehdy guisladzy laꞌd doozy. Porni za ziaad xtahl meññ, ba ni di riob gahgü yâme.

Per Jesúz naꞌ, ra leeyâme: ―To profet rzacbeeiy meññ lee gyre ru ria, per leññ gahc xguiedzy me ba yac, ni lahd xfamily me, per ni leññ xiryuꞌ me.

Ru byruu Jesúz leññ barcü, bwieꞌ me xtahl meññ no bioob me leeyâme, porni zidguiahc yâme beeiy xiily ni nehx rahp dxu güieꞌ lee; no guzlo galuu me meññ-rieꞌ yahc xtahl cos.

No di raḻ ntzoo me mbehty milagür uga, nunzy doozy meññ-gayac-ure psiaḻ me lee ru pshob ña me chehsh. No rtzunadz Jesúz nehx bylíladzy yâme leeme. Luxu za me zrieñ guiedzy yahc ni nu gahsh de uga zigluu me meññ.

Byluxu cuaꞌ Jesúz gydiby gaay paṉ-caḻ lo ña me no gyrop mbaḻ, no gülesy lo me gybaa, bdee me xquix Dioz, no ptzulaꞌy me paṉ, bdee meu xmeññ me lehdy quiiz yâmeu ycaꞌ meññ-caḻ yahc. No güdiiz me gyrop mbaḻ zegahc, cuaꞌ gyre meññ-dxie yahc uga. No gyre yâme güdahgü glo bydzeꞌ yâme. No luxu ptohp yâme tzipychop dzomby paṉ no mbaḻ ni biaꞌn.