Yohana 1-ын алдартай Библийн эшлэлүүд

Хуваалцах

Ne abo babamwakaanila, abo baaba ni khufukiilila mu lisiina lyeewe, abawa bunyala bwe khukhwikyela babaana ba Wele

Makiboole abawo ilomo, n'ilomo iyo yaba ni Wele, n'ilomo iyo yaba Wele.

Buwanga bumulikha ali shishiilima, ni shishiilima shalekha khunyalisa khubusimisa ta.

Ilomo yino yekyela umuundu, wekhala akari musiifwe, nga wetsuule bubweela ni bwa ŋali. Ni nafwe khwabona shiriifwa sheewe, shiriifwa nga shili sh'Omwaana natweela yenyene khukhwaama isi Paapawe.

Wele abuumba bibiindu byoosi khubirira mu'lomo iyo. Mbaawo shishiindu na shitweela shoosi shishabuumbibwa ta akhali khubirira mu niye. Bulamu bwaba bwama mu niye, ni bulamu buno bwaba buwaanga bwe babaandu.

Shifukhu shishelakho, Yohana n'abona Yezu nga alikho etsa is'ali waloma ari, “Bona Khasheese kha Wele, uwinyusawo shishonako she shiibala!

Ilomo yaba mu shiibala, ni shiibala shabuumbibwa khubirira mu'lomo nyeene. Ne shiibala shalekha khumanya Ilomo yino ta. Ilomo yeetsa mu baandu baayo babeene, ne babaandu beewe balekha khumwakaanila ta.

Ilomo yino niyo iyaba buwaanga bwa ŋali, buwaanga bubweetsa mu shiibala khukhwaburukhila buli mutweela.

Lwekhuba Wele arawo kamakaambila nga abirira mu Musa, ne bubweela ni bwa ŋali byeetsa nga bibirira mu Yezu Kristu.