Mark i̱ Holisso 13-ын алдартай Библийн эшлэлүүд

Хуваалцах

Anak átok, polla na̱, kanah makósh oklah ik hachi achokmánokáchi̱h ókih. Hihókakósh, hash sa̱ yi̱himmi na̱ o̱t ishtayyópih okmat, okcha̱ya billíya ishachi̱h ókih.

Hitoko̱, apisa̱chi hicha imalhta̱ha! Hachi̱ Chitókaka yat kanikak aláchi̱ ka̱ hash ikkána kiyoh ókih.

Hikmat hachi yokáchit nán alhpisa áyikbi yá hachisht iyakma̱, nátaho̱ makáchiláchi̱h ahnit ishit hachiya ataklamannah. Hashi kanalli yat onak ma̱, nána ho hash makácha hi̱nah toka̱, Chihówa yat anno̱pa alhpísa ka̱ chimáchi̱ aki̱nih. Hihókakósh, hashchish naki̱nih ósh hash anópoláchi̱ kiyoh. Hachim anno̱pa yat Shilombish Holittópa ako̱ ami̱táchi̱h ókih.

Shotik hicha yakni pat hiki̱yana billiyáchi̱ kiyoshkih, hihókakósh, am anno̱pa ato hichi̱h ókih.

Kanahat ikkána kiyoshkih, nittak kaníkako̱ kiyokmat, hashi kanalli kanikak yakómikat yomáchi̱ ka̱. Angel aba yakni máya alhíha akkiya oklah ikkána kiyoshkih. Hicha Chihówa Oshi ak makósh ikkána kiyoshkih. A̱ki Chihówa illah ósh ikkánah ókih, kanikak, oshi yat aláchi̱ ka̱.

Hikmat ittibi chito a̱sha ka̱ hash haklo, hicha ittibi chito yat a̱sháchi̱h annówa ka̱ hash hakloh okmat hachi nokshópannah. Yakómikat ti̱kba yohmik mak áchih polla, hikásh, yammat o̱t ishtayyópih kano kiyoh ki̱shah ókih.

Hihátoko̱, kanikako̱, hattak chokka i̱tala̱ya yat falámat aláchi̱ ka̱ hash ikkána kiyoh atokósh, apisa̱chih! Okitiya kiyokmat ninak ikklana kiyokmat onna ho̱si kiyokmat onnahi̱li másh yomma hi̱nah ókih. Hihókakósh aláchi̱ chik ahno ho̱ ala hokma̱, nosih ósh ish itto̱la ná chiyahochinnah. Yohmih óka̱ nána ho̱ hachim áchilih kat oklah moyyóma ka̱ im áchilih ókih. Oh im alhta̱ha!” áchittók.

Okloshi alhíha ittimilayyoka kat okloshi i̱la ya̱ oklah ittiyásanálit ittibáchi̱h. Hikma̱ mi̱ko alhíha yat mi̱ko alhíha i̱la ka̱ oklah ittibáchi̱h ókih. Hikma̱ yakni ittimilayyoka ka̱ yakni at winakácháchi̱, hikmat, oklah la̱wa kat hokchafot illáchi̱h ókih. Hihókakósh ná yakómikat, nán palammi chito áyisht hikít íyah ókih.

Hicha ishtayyópi kat ala alhlhih ka̱, okloshi alhíha moyyómaka̱ Chihówa im anno̱pa yat im annówa okmakáchi̱h ókih.

Oklah la̱wa kat ála cha, ának iláhobbit nówáchi̱h. Hicha ‘Anakósh Christ siyah ókih,’ ácháchi̱h. Hikmat oklah la̱wa ka̱ haksicháchi̱h ókih.

Hikma̱, aha hash ahnih okmakáchi̱h! Oklah at hachi yokáchi̱ hicha nán alhpisa ayikbi ya̱, oklah hachisht iyáchi̱h, hikma̱ ano̱ti Jew im áyittanáha ano̱ka ma̱ áhachi fammáchi̱h ókih. Hikmat, ának átok polla na̱, tikba hikíya alhíha hicha mi̱ko alhíha ya̱ tikba o̱t hachi hilicháchi̱h. Hikma̱, ának isht imma ya̱ oklah hash im anóláchi̱h.

Christ iláhobi alhíha hicha hopayyi holittópa ilíhobi alhíha yat ála cha, nána kat yohma hi ik ahobo la̱waka̱ oklah mihchi̱k mat oklah alhíha haksicháchi̱h ókih. Hicha Chihówa yat atokoli alhíha akmako̱ oklah haksichi bannat pisáchi̱h ókih.

Ná palammi nittak yómikat o̱t tahakma̱, ‘Hashi yat o̱t losáchi̱h, hicha hashi ninak a̱ya at tokwikiláchíh kiyoh. Fichik yómikat at akka ít lowiláchi̱h, hikma̱ shotik (sky) a̱ ná moyyóma kat winákacháchi̱h ókih.’