Noo Luke 14-ын алдартай Библийн эшлэлүүд

Хуваалцах

My hig dooinney erbee hym’s, as nagh vel graih sloo echey er e ayr as e voir, as e ven, as e chloan, as e vraaraghyn, as e hayraghyn, dy jarroo, as er e vioys hene [na orrym’s] cha vod eh dy firrinagh gynsaghey voym’s.

As quoi‐erbee nagh vel gymmyrkey e chrosh, as cheet geiyrt orrym’s, cha vod eh ve ny eiyrtyssagh dooys.

Son quoi‐erbee ta dy hoiaghey eh hene seose, bee eh er ny injillaghey; as eshyn ta dy injillaghey eh hene, bee eh er ny hoiaghey seose.

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Quoi jiuish ta kiarail toor y hroggal, nagh vel soie sheese hoshiaght, as coontey yn cost, vel wheesh echey as ver mullagh er? Er‐aggle erreish da yn undin y hoiaghey, as nagh vel yn fort echey dy chur kione er, dy jean ooilley nee fakin eh toshiaght dy chraidey mysh, Gra, Ren y dooinney shoh toshiaght dy vuildal, as cha row fort echey kione y chur er e obbyr.

Agh tra t’ou jannoo cuirraghyn, eïe er ny boghtyn, ny baccee, ny croobee, as ny doail: As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Ta sollan mie: agh my ta’n sollan er choayl e vlass, kys hig e vree ayn reesht? Cha vel ymmyd ayn son y thalloo, ny foast son y torran; agh ta deiney dy cheau magh eh, Eshyn ta cleayshyn echey dy chlashtyn, lhig da clashtyn.