YOHANIS 1-ын алдартай Библийн эшлэлүүд

Хуваалцах

Nga' haro iddi o piro-piro tulun do ruminamit dau om notumbayaan dau; om onuwai noddi dau iyolo' do kosorupayan do sumiliu'd tangaanak do Kinorohingan.

Di nopo di timpuun i' dit a' po nowonsoi iti pomogunan, om hino mantad no i Boros. Iri nopo Boros diri om poinsugku' do Kinorohingan, om miagal nopo kopio'd Kinorohingan i Boros diri.

Iri nopo tanawau'ddi om tumitiu dot id totuong, om a' i' kopisok o totuong di tanawau'ddi.

Om iri nopo i Boros diri om suminiliu'd tulun, om nokoiyon dot id pogialatan toko', om nokokito toko' i' di kagayaan dau. Iri nopo kagayaan dau'ddi om naanu dau do mantad id Tapa' dau, tu' iso' no iyau o tanak di Tapa'. Om id dau no o kokitanan toko' do Kinorohingan om i kosianan do Kinorohingan dot id dati'.

Om iyau no o pinawayaan do Kinorohingan do minomonsoi do koinsanai'd nunu nopo, om aiso' i' o tiso' piya di songinwonsoi do winonsoi dot a' pinawaya' dau. Iri nopo Boros diri om tudan do koposion, om iri no koposion diri o manahak do tanawau dot id tulun.

Tadau noddi kawagu, om kokito no di Yohanis i Yesus do rumikot dot id dau. Om boros kaddi di Yohanis, “Ilo' no i Tanak do Dumba' do Kinorohingan di mongidu' do dusa do tulun do hiti'd pomogunan.

Hiti no daa'd pomogunan i Boros diri nga' mulong piya dot iyau o pinawayaan do Kinorohingan do minomonsoi'dti pomogunan, nga' a' i' iti pomogunan nokotutun dau. Rikot no iyau do hiri'd pomogunan dau nga' a' i' iyau rinamit di bansa' dau.

Iri nopo tanawau dit otopot, om ruminikot do hiti'd pomogunan om tuminitiu dot id koinsanai'd tulun.

Iri nopo Tourat om pinatahak do Kinorohingan do pinawaya' di Musa. Nga' kosianan nopo om kotorodoko' do Kinorohingan om i Yesus Kristus i' o pinopointalang.