Matius Uram 4-ын алдартай Библийн эшлэлүүд

Хуваалцах

Ebmou bok, Er Yesus biryi ersi ato eboka uram dekeibmou, “Er Imtamnyi biryi minob erdeiriramwe uram umbura aryi ato kerek sekeibwe, ‘Ninyi kam kunung ara kwaning yina deib aryok kam kum kunung. Eda, ninyi kam kunung ara Er Imtamnyi biryi arungdeirisurur uram kunubde bana deib aryi kam kunung.’ (Ulangan 8:3) Ati, Niryi kan ebmarim to kum kunubkwaman,” ebmou.

Ato ebmou bok, Er Yesus biryi isa sienyi Iblis bisi ato eboka uram dekeibmou, “Iblis kanda bindobdum! Er Imtamnyi Uram minob erdeiriramwe uram umbura aryi ato kerek sekdeibwe, ‘Sunci sun Nai Imtamnyi biti, “Nun Nai Iya Erebdobnyi,” tenen sun kutam ikdongobdarur. Sunci yuk nang si weik ena mem. Eda, sun Nai Imtamnyi si atikwe weik ebdarur,’ ebdeibwe. (Ulangan 6:13) Ati, Niryi kan ebmarim to kum kunubkwan. Niryi kanda isa si weik kum erebdeibkwamakin,” ebmou.

Ebmou bok, Er Yesus biryi isa sienyi bisi ato eboka uram ebdeibmou, “Er Imtamnyi biryi minob erdeiriramwe uram umbura aryi ato eboka kerek sekdeibwe. ‘Sunci, “Er Imtamnyi biryi ilil tenen dinyi kibnibsute,” tenen ukubdendoka Er Imtamnyi malyi tenerur dinyi ukuna mem,’ ebwe. (Ulangan 6:16) Ati, Niryi kanda isa biryi ebmanirim to kum kunubkwaman,” ebmou.

Yohanes biryi Er Yesus bisi me sirya dongobmou ura, Er Imtamnyi Kanya Roh Kudus aryi Yesus bisi ninyi kun kum mutuk bobinmou. Ara, “Er Yesus bisi isa sienyi Iblis biryi ukubdenkwande,” tenen bikmouci, Er Imtamnyi Kanya Roh Kudus aryi Ersi bobinmou. Ara, Er Yesus bira ninyi kun kum mutuk bindoka kuramuryok, Erci kwaning si teboka kuramwe. Ara, uki empat puluh baryi maramuryok, kitingtam babyi lukunda ababyi yina kum yiramwe uca, Ersi kwaning atanmou.

Ura, Er Yesus biryi sunsi asing eibmouci, ato ebmou, “Ni kwit yabwe, sunci yandoka Nisi milibnururum. Niryi sunda mekinaia don nang asi yuk wa asi karebkwansin uca, sunci Teleb Uram eterebdumuncok, ninyi ilinto asi Er Imtamnyi amwetam boyankwandurum!” ebmou. Ato ebmou uca, sunci ukurlona kum uca sun mekinaia don aling asi taklobmareici, Yesus bisi miliryanmarei.

Ura, a talak aryi kuboka Er Yesus biryi deyok kouboka ato eboka lak eterebkalibmou, “Er Imtamnyi bira iya Weik Sienyi kururci, Erci ninyi lebdeiboka arukdeibkwansir talak dam kubmar. A deyok aryi, sunci sun malyi tenendarur dinyi taklobdarur,” eboka etereramwe.