Matius Uram 26-ын алдартай Библийн эшлэлүүд

Хуваалцах

Sunci, ‘Mambul dinyi yasici ba, nun dib tenen dinyi taklobibyei,’ tenen bukoka kalikdobmunci, Er Imtamnyi bisi molorondarur. Sunci sun kanya dam aryi, ‘Malyi kun dinyi bisik sektibyi,’ tenerandum bok, sun nong ab sun dib tenena mitang kusurur uca, sunci malyi kun dinyi minola dobdobmunyei,” ebmou.

Ura, Erci sun winiryi nang asi ato ebmou, “Ni kanya ara mambul mitik kum kuboka din kanya deinmanir aryi ikin dinyi bobman kumto kubmanir,” ebmou. “Nira otam bindoka Er Imtamnyi bisi molorbinan ati, sunda atam burandarur. Ara, sunbabyi kalikmun cok, Er Imtamnyi bisi molobdarur,” ebmou.

Ura, Erda ototo bindoka kutam ikdongoboka ngang dakdongoboka Er Imtamnyi bisi molonmou. Ara, Erci ato eboka molobmou, “Ni Nai, Kanci teleb tenebniminyi ura, a mambul weik dobkwaman dinyi ati Kanci bisik sekeibnurum. Bok, Ni teneibmanyi to ara kunubcei ati tenebman. Eda, Kanci teleb tenebmaniminyi tok asi kunubnurur,” eboka molobmou.

A anggur me ara Ni ining a kunum. Er Imtamnyi biryi, ‘Ninyi ab tonkwa antanirdeibkwayeb,’ tenen Ni ining deib aryi ukuryok mururdeirin dinyi tikeiboka lak kibmasir. Ara, ‘Ni ining deib aryi Er Imtamnyi biryi ninyi ilinto sun malyi kun dinyi kilibkwande ati bikting,’ tenen lak kibmasin ati a anggur me ara sunti dikeibsin,” ebmou.

Er Yesus ab Er miliramnyi nang ab tonkwa yina yinmai cok, yina deirin co lamna arubdongoboka tuba bunmaici, Er Yesus biryi roti dobtaleboka Er miliramnyi nang asi karebmou. Ati, Erci Er Nai Imtamnyi bisi, “Ei, Ni Nai,” eboka kibdobmou ura, toboka-toboka Er miliramnyi nang asi karebmouci, ato ebmou, “A roti ara Ni nong tub a kunum. Ni tub ara sunti lebkwansin deyok ati karebkwamasin ati, sunci a roti asi ur doboka yibdarur,” ebmou.

A sirya karebmou ba, sirya yibmai ura, Erci anggur me dikdongobmai moyok dobtalebmouci, Er Nai Imtamnyi bisi, “Ei, Ni Nai,” eboka kibdobmou ura, Er miliramnyi nang asi karebmouci, ato ebmou. “A moyok ara ur dobdobmunyi ura, sun nirya ur yibdarur!

Ato eboka sirya molobmou ura, Erci tamuryandoka dinmou uca, Er miliramnyi nang winiryi nang ara mablalabmai asi asing eibmou. Ura, Erci Petrus bisi ato ebmou, “Sunda Nisi miliboka kiting yakna tentok ababyi kalikmana mikib kum kurandum do?

Ato ebmou cok, ton ato ebmou, “Niryi sunsi dib en uram ton ebkwinsin ati diboka kekebdarur. Nun ukuryok aryi anggur me yibmab ani, Nira anggur me tubto yibkwan cok, minola kum yibkwan. Aminda aryi sirya kobdob uki tum berekde kum bok, Ni anggur me ton kum yibkwan ati ebman. Ani, sirya kobdob uki tum berekci ura, Er Imtamnyi Weik Sienyi kururci, ninyi ilinto Er amwetam kun nang kibdeibkwande ura, Ni sun ab tonkwa kubibiryok, anggur me ukuryok dinyi sun ab tonkwa tubto yibkwayeb,” ebmou.

Ura, kirim uram ngalukmou asi Petrus biryi kekebmouci, erci Er Yesus biryi er dam eamwe uram asi kanya teneiboka bikmou, “Kirim uram kum ngalukabde bok, kanci Niti liki winiryi kuboka, ‘Ni kum bingnunyi,’ ebkwanirim,” eamwe asi kanya teneibmou. Ura, Er Petrus biryi baitam bindoka engena weik engebmou.

Ni dobkarebkwiniranyi sirya dam yangar ati, sunci bukokmunyi ura, nun anaboka bankwayeb ati tikokdarur,” ebmou.

Uca, Er Yesus biryi a ya talenanyi bisi ato ebmou, “Ya touna dongdonongnaming nang sunbabyi ara yuk nang aryi ya touna aryi obkwaming ba, dibkwaming. Ati, kanci a ya touna asi limna umbura tubto kibdongobdum.