Hechos 9-ын алдартай Библийн эшлэлүүд

Хуваалцах

Ĩgʉ eropa arĩquerecʉ̃ Jesupʉ werepʉ ĩgʉre. —Ĩgʉ Saulopʉ yʉ beyedigʉ ãhrimi. Ĩgʉ yaha buherire baja macari majarãre, oparãre, Israe masa sãre buhegʉcumi.

Eropa gosesiri medijucʉ̃ ta ĩgʉ yebague mehmerejagʉ, wereniguicʉ̃ peepʉ. —Saulo, Saulo, ¿duhpigʉ mʉhʉ yʉre ñero iiri? arĩro cariyoro. —Opʉ, ¿nihino ãhriri mʉhʉ? arĩpʉ Saulo. —Yʉhʉ mʉ ñero iigʉ ta ãhraa arĩpʉ Jesu. Mʉhʉ yʉ mera guagʉ yʉre yʉhribigʉ, mʉ basi ta ñero tariaa, arĩpʉ Jesu Saulore.

Ĩgʉ eropa arĩra pʉhrʉ Ananíapʉ, waha eja, Saulo ĩgʉ árĩri wihigue ñaja wapʉ. Ñajaja, ĩgʉ mojotore Saulo weca duhpeo, werepʉ ĩgʉre: —Acaweregʉ Saulo, mari Opʉ Jesupʉ mague mʉre dehyoadigʉ yʉre obeoami mʉ cuiri mʉ ĩaboro dopa. Espíritu Santore mʉ opaboro dopa, ĩgʉ dorediro dopa mʉ iiboro dopa yʉre obeoami mʉ pohrogue, arĩ werepʉ Ananía Saulore. Ĩgʉ eroparĩcʉ̃ ta ĩgʉ cuirire wai nʉtʉri dopa bejarire ĩgʉ cuirire cohrodijacʉ̃ ĩapʉ pare Saulo. Ĩgʉ eropa ĩatuhara pʉhrʉ ĩgʉ wahgãnʉgajacʉ̃ gajigʉpʉ waĩyepʉ ĩgʉre.