Yohanis 21-ын алдартай Библийн эшлэлүүд

Хуваалцах

Neu ara raꞌa basa, Yesus natane Simon Petrus nae, “Wee, Simon, Yohanis anan. Talo bee? O sue Au lena heni o nonoom mara iar sue Au, do?” Ana naselu nae, “Tebe! Lamatuak bubuluk au sue Lamatuak.” Boe ma Yesus helun nae, “Mete ma talo naa, na, lolo matalolole Au bibi lombo anang nggara fo ara hambu raꞌa.” Boe ma Yesus natane seluk kana nae, “Simon, Yohanis anan. Talo bee? O sue Au, do?” Ana naselu nae, “Tebe! Lamatuak bubuluk ena au sue Lamatuak.” Boe ma Yesus helun nae, “Mete ma talo naa, makaboi matalolole Au bibi lombong nggara.” Basa boe ma Yesus natane seluk kana bali nae, “Simon, Yohanis anan. Talo bee? O sue Au, sama leo Au ia, o nonoom, do?” Boe ma Petrus dalen sona memak, nahuu Yesus natane laꞌe telu ena nae, “O sue Au, do?” De ana naselu nae, “Lamatuak ndia bubuluk basa dedeꞌak. Dadi Lamatuak bubuluk ena mae, au ia, Lamatuak nonoon.” Boe ma Yesus helun nae, “Mete ma talo naa, na, lolo matalolole Au bibi lombong nggara fo ara hambu raꞌa.

O bisa malela Au kokolang bebeik kara iar ena, do? Au oo nau afada talo ia boe: fai bakahulun neu o bei taꞌe anak, na, o masiꞌe pake badu ma pake kalikeek, boe ma o laꞌok muni bee muu a mesan, tungga o hihiim. Tehuu mete ma o mambalasi ena, na, neu ko loo o limam fo hatahori laen paꞌa limam mara, nenik o kalikee heli-helim. Basa boe ma ara leꞌa reni o muni mamanak esa muu fo o ta nau muu.”

Boe ma Ana nafada sara nae, “Soba nggari puꞌak naa neu ofak boboan. Neu ko ei hambu.” Boe ma ara tao tungga. De ara hambu iꞌak. Tehuu iꞌak kara raa noꞌun seli, losa ara ta bisa leꞌa puꞌak naa fali neni ofak dale neu.

Simon Petrus nafada ndia nonoon nara nae, “Au ae uu nggari puꞌak.” Boe ma ara raselu rae, “Hou! Ai oo tungga boe.” Basa boe ma ara reni dano tatain reu. De ara saꞌe ofak fo reu sangga iꞌak. Tehuu leꞌodaen naa, ara ta puꞌa rala hata esa boe na.