LUKAQ 12-ын алдартай Библийн эшлэлүүд

Хуваалцах

Krai mren, namshiq riimin la, tiijeshat maq kherong laq. Ara jamkhano chong tiikang ngukla, Maiq Se ka, namshiq raq apaiq ka alo saüho mak sham nguta, tiima tlan akhing bala misaüki.”

Kriikha maq, namshiq ka, Shiikeawe Mungtan miituli tiima tsantsii ka atsi maq thü lanta sironglaq. Kiimaq apaiq raq namshiq ma arthun arka mikuq dongdii.

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Ara jamkhano chongtiikang ngukla, ümtsiiq tum ka ümbano sitlaq, kriijaq ümtsan tsii kiimin misi.

Riita, namtsam phong wa weshi ra raq, akha chapa lanta rilung ka alu lin misi lot han sha?

Kra chongkuq lot raütiishe, Jesuq raq ajaqshisetiim ma akha chongkuqto, “Arkha maq tiina, ngi raq namshiq ma chongkuq tiipha ara. Atra maq siwan miitu, dungjada ra tlaq kra nai khum tiikhe chang khu akhea ra tlaq kra miitu, namshiq ka naq chapa rongkiq.

Riita, Shiikeawe riika, namshiq khubin lo thun kra dongdii min wiita weaje siisaq. Riita ara chong tiikai arai mren, Shiikeawe maklii na, namshiq rilung thü kriika athii tsinhea. Kriikha maq, namshiq ka naqhai rongkiq. Wuraichaq kong pahea kra thaq na, namshiq rilung thii ka tsinhea!

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.

Khala kong ka liirong laq. Tsangshiq raq minshiiq mak. Tsangshiq tsamtiip min ahü. Tsangshiq tsamtum min ahü. Tsangshiq ka Shiikeawe raq dung tlo! Namshiq rilung ka wushi rilung thaq na athii tsinhea!

“Riita ara chong tiikang arai mren, namshiq ka jamlai wa miphaq siq rong i nguta, naq chapa rongkiq.

Ara rum wa sangphii tiipü tlaq arka Shiikeawe raq ahata. Ara sangphii arka ümchaü asi anap ka ahü she. Wa na achaq baiqkun she miraq. Riita arthaq na apaiq raq namshiq ma apa khu akhea tiisam kuq mak sha miraq? Namshiq kamasham ka jamkhiiwa tran tlan!

Mongnam tsii maq, maiqse raq jamlai wa apang raüta thü tlaq, kriika alin she mirbaiq wan. Kiimaq maiqse raq jamlai wa ahukse maq, tsan mong na tiima tlaq, kriika maiq tarü riishe misap wan.