MATIUS 19-ын алдартай Библийн эшлэлүүд

Хуваалцах

Yésus kepuh réh ngan Iah bara', Adang kelunan bé' omok maneu' kenat, bang Allah omok maneu' ineu'-ineu' péh, ha' néh.

Uban néh kenat ineu'-ineu' éh lepah pepemung Allah, mai buhaa' kelunan pepetat éh, ha' néh.

Ha' Yésus mipa réh, Bé' keh pu'un purung lem surat Tuhan tong ha' éh bara' ka', bu'un-bu'un sahau Allah suai lakei' ngan suai redo, naneu' inah adang éh lakei' tekep pokoo' tamen tinen néh ke' néh tai pemung ngan redo néh, inah rawah jah awah kenin, kenat ha' Allah nah. Inah maneu' rawah bé' duah usah la'ah.

Boh Yésus pané ngan réh, ka' ha' néh, Kejeraa' kekat irah anak tavin Akeu', mai keh meta' réh, uban kelunan séé'-séé' éh barei' anak inah, inah éh kelunan éh pu'un lem nihau Allah, ha' néh.

Bang pinaa' kelunan éh saa' tana' hun iteu', irah pu'un tai saa' murin kepéh, ngan irah éh saa' murin hun iteu', irah juk tai saa' tana' kepéh ha' néh.

La'ah siget-siget usah éh pokoo' lamin néh, barang éh padéé' néh lakei' ngan padéé' néh redo, barang éh tinen tamen néh, barang éh anak néh ngan térék néh, uban néh maneu' kereja' Ké' ngan perengah Akeu', adang néh pu'un alaa' éh ngan pelapah pinaa' jin éh lepah pokoo' néh, ngan alaa' urip pelinguh kepéh.

Ha' Yésus ngan néh, Hun ko' juk alaa' kenin éh jian mu'un, jian ke' tai melih kekat livah ko' ngan mena' kekat rigit ko' ngan kelunan kari, boh ke' pu'un pengekaya' tong seruga. La'o ko' maneu' kekat inah, jian ke' tuai kivu Akeu', ha' néh.

Ha' Yésus mipa éh, Kineu' ke' neteng Akeu' tong éh jian, jah awah éh jian, inah éh Allah. Hun ko' juk alaa' urip pelinguh, jian ke' mihau jah poloo' sohoo' Allah, ha' néh.

Lumang jah usah unta masek lem luvang bena jin kelunan kaya' omok tavin Allah ke' néh Pengeja'au néh, ha' néh.

Inah Akeu' bara' ngan keh, séé'-séé' éh petat jin redo néh, hun redo inah bé' pu'un tavin kelunan éh jah, hun néh petat awah jin néh ngan alaa' redo éh jah, inah iah petuyang, ha' néh.

La'o inah Yésus pané ngan irah bakéh néh, ka' ha' néh, Ma'an mu'un ngan kelunan kaya' tavin Allah ke' néh Pengeja'au néh.