Ioni 14-ын алдартай Библийн эшлэлүүд

Хуваалцах

Yauke ani‑tawanemi. Wayahina, nua gomagomanina avenemi na‑maei wayahimia. Ka nua gomagomanina vivane yauke yau nua gomagomanina. Ka yau nua gomagomanina eha tau ma' tanopi yai nua gomagomanina ivenemi deina. Eha. Eha nau‑wawanimi dewaia wayahi unuanua toyoina, kadu eha nau‑wawanimi umatamatautei.

Ka Iesu Tomasi vonei, ivona, “Yauke etawanana, kadu yauke vona tunutunuhina, ka kadu yauke yawai‑vavaha. Aituhu aviyaivia yai nuanua iomomo Amau wayahina, taui wayahia eha kadu aitam etawana ta‑mamae, akanai yauke au heta.”

Ka Iesu tauna a tau vi‑muni‑waiwai vonei, ivona, “Eha nau‑wawanimi uva‑hamwahamwana, kadu eha unua‑vita. Itomi Yaubada uvitumahanei, ka nau‑wawanimi kadu yauke uvitumahaneu aitamoata deina.

Kate apaina, Amau Tau Yava‑nana vi‑tunei na‑omo wayahimia, yauke au wavea. Ka Tau Yava‑nana vivane Nuana Ahihinata. Apaina tauna nua‑uya habuhabuna viwavenemi, ka avi viwavenena avaha avonemi, akanai tauna nuami na‑dadanei, unua‑vi‑avini.

Aituhu aviyaivia yau veimea ianamanei kadu ivi‑ateteyei, tomotaui idewa‑vidovidoheu akanai. Ka aituhu aviyaivia idewa‑vidovidoheu, vona ahiahina, Amau taui dewa‑vidovidohei, ka kadu yauke taui adewa‑vidovidohei, kadu taui wayahia taua aviwaveneu idudueyeu.”

Ka Amau aviamei, e apaina tauna kadu aitam Tau Yava vi‑tunei na‑omo wayahimia. Tau Yava‑nana vivane Nuana Tunutunuhina kadu tauna wayahimia na‑ma'‑vavaha. Kate tau ma' tanopi eha ai pata Tau Yava‑nana iawaehe, ivaniahe. Iuna taui eha tauna ana dune ita‑dueye, kadu taui eha tauna it'‑anamane. Kate itomi Tau Yava‑nana uanamanei, iuna tauna nui umamaei, kadu apaina tauna nihenimia mamaei.

Kadu aviani yami nuanua, itomi nau‑wawanimi uviama wayahina au wavea, ka yauke an'‑awaehemi, avenevenemi. Ka Amau didigana na‑nata yau dewana wayahina deina. Ika, avona‑havinemi, aituhu aviani uviameu au wavea, akanai yauke an'‑awaehemi, adedewei deina.

Aituhu udune‑nuanuaieu, nau‑wawanimi yau veimea uvi‑ateteyei.

Amau ya megeia tauna ya manua nihenina bubuna honohonota habuhabui imamaei. Aituhu vonana vona vitupu, eha avonavona wayahimia deina. Ka yauke meagai‑nana wayahina aneine, e yami pai ma' avo‑vi‑aiaia wayahimi.

Yauke etawana anaoi, e yami pai ma' avo‑vi‑aiaia. Na‑iakwa, amavina, atainimi kana‑ne meagai‑nana wayahina, ka nui kama'‑vavaha.

Akaka Tomasi Iesu vi‑tanaiei, ivona, “Kauvea, itoai eha at'‑anamane aveta baina eneine. Wayahina, medeina ama pata etawanana an'‑anamane‑vidohe?”