Mateyu 19-ын алдартай Библийн эшлэлүүд

Хуваалцах

Yesusini ono neme-neme nimba kanopa nimbale: “Sika yomboma onono manda mólo na-kolo Pulu Yemone manda sendemba. Pulu Yemo yuni unguma pali manda selemo. Ungu se yuni manda naa sembá se mólo.” nirimu.

Pulu Yemone aku sipa nirimu-kulu ye se ambo se limú kinia kangi selumu mele molembele-na olo kelko talo mele naa molembele, olo yombo selumu mele molembele. Yombo selumu molembele kene Pulu Yemone ambo ye talo ‘Selumu molangili.’ nilimú ambo yetolo yombo sene liku lupa lupa naa mundangi. Aku sengi liemu manda naa sembá.” nirimu.

Yuni anju pundu topa nimbale: “Pulu Yemone ungu nirimu yunga bokuna molemo mele kanoko kambu naa tongiye? U-pulu-pulu, Pulu Yemone mélema sepale, yuni yombo sembando yemo kinia ambomo kinia sepa nimbale: “Aku sipu sendumunga ye sene ambo se lipale yunga anumu lapatolo mundupa kelepa yunga ambomo kinia ololo seluna kopu seko peko kangi selumu mele ˻molko olonga konopu seluna pupili˼ molongele.” nirimu kanumu naa piliengiye?

˻“Mólo.” niringi kinia˼ kanopale Yesusini nimbale: “Pulu Yemo ye nokoli kingimu molopa nokolemo yombo talape akumu i bolangoma mele molemele yomboma ononga yombo talapemo kene onone i bolangoma na moliona wangi pipi siku “Mólo.” naa niee.” nirimu.

Aku-sipa na-kolo kiniá awili molemele yombomanga awisili pe ˻Pulu Yemo ye nokoli kingimu molopa nokomba koleana˼ yombo koropama molonge; kiniá koropa pupili molemele yomboma pe yombo awilima molonge.” ˻nimba Yesusini nirimu.˼ ˻Yesusini yu lombili andolimando ungu se pea nimbale:˼

Yombo na konopu mondoko nanga kongonomo sendengendo ononga ulkama, genupilima, kemulupilima, anupilima, lapalima, bolangoma, koleama, akuma munduku kelieringi ˻mele kelenge˼ yomboma pali, ya mana paa olandopa méle awisili likuli, konde molko kondoko mindi puli ulu-pulumu lingíla.

Yesusini yundu pundu topa nimbale: “Nu ‘kamu ye sumbi nílimu molambo.’ konopu lienu liemu nu pungu nunga méle taltolenoma pali kou-mone li-punguli, kou-mone linima yombo koropama moke seko sikuli na lombili ou.” nirimu. “Nunga ˻mana-˼mélema aku sení kinia mulu-koleana nunga méle kande-kandema lemba.” nirimu.

Yesusini yundu nimbale: “Nuni na nambi semu-na ulu peangamondo mangilku pilkinuye? Yombo selu mindi peanga molemo. Nuni ‘konde molopo kondopo mindi puli ulu-pulumu limbu.’ konopu lienu liemu ˻Pulu Yemonga˼ ungu-mane ˻Mosisini yando nimba sirimuma˼ sengena panjiku seko molani.” nirimu.

Onondo kelepo nikiru: “Kongi kamele ˻kongi paa awili se-na-kolo˼ kale suru tolina sukundu pumbándo kála kanga mele sepale pumbá. Aku-sipa na-kolo yombo kamakoma Pulu Yemo ye nokoli kingimu molopa nokolemo koleana sukundu pungíndu kála paa awili mele seko pungí.” nikiru.” nirimu.

nane ono i-sipu nimbu sikiru: “Ye sene yunga u limú ambomo makoropa “Kamu pu.” nimbale kelepa ambo se limú kinia aku yemone wa ulu-kirinale selemo. Yemonga ambomone ye se kinia wa ulu-kirinale semu liemu manda topa makoromba. We mólo. ˻“Pu.” nimba makorolemo ambomo pe ye sene yu limú kinia kanu yemo kepe wa ulu-kirinale selemóla.˼” nikiru.” nirimu.

˻Aku serimu-kulu kanopale˼ Yesusini yu lombili andolimando nimbale: “Pulu Yemo ye nokoli kingimu molopa nokolemo koleana sukundu pungíndu yombo kamakoma paa kála seko sukundu pungí.