Mātaio 24-ын алдартай Библийн эшлэлүүд

Хуваалцах

Ē nō te mea 'oki ē, ka ma'ata atu te tupu'anga o te kino, ka iti mai te 'inangaro o te tangata 'e mānganui. Kāreka ko tei tāpū tikāi e tae 'ua atu ki te 'openga ra, ka ora ia.

Ē ka tūtū 'aere'ia tēia 'ēvangelia o te bāsileia nei e kako rava ake te ao katoa nei, 'ei kite nō te au 'iti tangata rava rāi, 'ei reira te 'openga e tae mai ei.

Ka 'akarongo rā 'oki kōtou i te au aoaoa tamaki ē te au rongo tamaki; kia matakite, 'eia'a e taitaiā; e nā mua 'oki te au mea mei te reira te tū i te tupu e tikāi, kāre rā te 'openga i vaitata mai ake.

E tū mai 'oki tēta'i 'iti tangata e tamaki mai ki tēta'i 'iti tangata, ē tēta'i bāsileia e tamaki mai ki tēta'i bāsileia. Ē ka tupu mai te onge ē te ngāruerue 'enua i tērā ngā'i ē i tērā ngā'i. 'E mōmua anake tēia au mea nei nō te au mate.

Ka kore ake te rangi ē te 'enua, kāre tākiri rā tāku nei au tuatua e kore.”

'E mānganui te ka 'aere mai ma tōku nei ingoa ē te nā kō'anga mai ē, ‘Ko au te Mesia,’ ē 'e mānganui 'oki te ka vare i a rātou.

“'Ei reira rātou e tuku ei i a kōtou nō te tākinga kino, ē ka tāmate tākiri i a kōtou. Ē e mākitakita'ia mai kōtou e te au 'iti tangata rava rāi nō tōku nei ingoa. 'E mānganui i reira te ka maitu'ia, ē ka tuku pikika'a tēta'i i tēta'i, ē ka mākitakita 'oki tēta'i i tēta'i. 'E mānganui te au peroveta pikika'a te ka tū mai ki runga, ē 'e mānganui 'oki te ka vare i a rātou.

Kua pa'u atura a Iēsū, nā kō atura ki a rātou, “Kia matakite, kia kore tēta'i 'ua atu e arataki kē i a kōtou.

Ē nō reira 'oki, kia vai te'ate'amamao rāi kōtou, nō te mea, 'ei te ora manakokore'ia e kōtou e tae mai ei te Tamaiti a te Tangata.”

“E ara i reira, kāre kōtou i kite i te ora e tae mai ei tō kōtou 'Atu.

“Kāreka rā tō runga i te reira rā ē te ora, kāre rava tēta'i e kite, kāre te au 'āngela o te rangi, ē kāre katoa 'oki te Tamaiti, māri 'ua ko tōku Metua anake ra.

'E au Mesia pikika'a ē te au peroveta pikika'a 'oki te ka tū mai ki runga ē ka 'ōronga mai i te au 'akairo mama'ata ē te au rāvenga ūmeremere, kia vare te aronga 'iki'ia, nāringa e rauka.

Ē mei te tuātau i a Noa ra, mei te reira katoa te 'aere'anga mai o te Tamaiti a te Tangata nei. Mei tei te tuātau i mua a'o i te vai puke ra, tē kaikai ra rātou ē tē inu ra, tē 'akaipoipo ra, ē tē 'ōronga'ia ra kia 'akaipoipo'ia e tae rava atu ki te rā i tomo ei a Noa ki roto i te 'āraka ra. Kāre rava 'oki rātou i kite, e roko'ia maira rātou e te vai puke, ē tā'iripoti atura i te au mea kātoatoa. Mei te reira katoa te 'aere'anga mai o te Tamaiti a te Tangata nei.